Copy this code and paste it between the and tags of your site: ❃ Tachileik News Agency ❃ www.tachileik.net
Update News

နောက်ဆုံးရ သတင်းများ

ရှမ်းပြည်နယ်အရှေ့ပိုင်းသတင်းများ

နယ်စုံသတင်းများ

Advertise Space

မှုခင်းသတင်းများ

ရှမ်းပြည်နယ်မြောက်ပိုင်းသတင်းများ

ရှမ်းပြည်နယ်တောင်ပိုင်းသတင်းများ

ကွတ်ခိုင်အနီး ပြည်ထောင်စုလမ်းတွင် တိုက်ပွဲဖြစ်၍ မော်တော်ယာဉ်များ ပိတ်မိနေဆဲ

ရှမ်းပြည်နယ်(မြောက်ပိုင်း) ကွတ်ခိုင်မြို့၊ လွိုင်ဆမ်ဆစ်တောင်အနီးတွင် ၂၀၁၉ ခုနှစ်၊ နိုဝင်ဘာလ (၁၃)ရက်နေ့ နံနက်(၇)နာရီမှ နေ့လယ် (၁၁)နာရီဝန်းကျင်ထိ တပ်မတော်နှင့် TNLA ကြား တိုက်ပွဲဖြစ်၍ နေ့လယ် (၂)နာရီ (၅၅)မိနစ်အထိ ကွတ်ခိုင်မြို့တွင်း မော်တော်ယာဉ်များ ပိတ်မိနေဆဲဖြစ်သည်။

“အခုထိတော့ ကွတ်ခိုင်ထဲမှာ ခရီးသည်တင်ယာဉ်တွေရော၊ ကုန်တင်ယာဉ်တွေရော အကုန်ပိတ်မိနေကြတာ။ ကားတွေ ထွက်လို့မရသေးဘူး။ ပစ်ခတ်သံတွေကတော့ နေ့လယ် (၁၁)နာရီလောက်အထိ ကြားရတယ်။ အခုတော့ မကြားတော့ဘူး”ဟု ကွတ်ခိုင် ပြည်ထောင်စုလမ်းမကြီးတွင် ပိတ်မိနေသည့် မော်တော်ယာဉ်တစ်စီးမှ ယာဉ်မောင်းက ပြောသည်။


TNLA အဖွဲ့က ကွတ်ခိုင် - မူဆယ် လမ်းပိုင်းရှိ နမ့်ဖတ်ကာကျေးရွာအနီးမှစတင်၍ ပြည်ထောင်စု လမ်းမကြီးပေါ်ရှိ မော်တော်ယာဉ်များအား နံနက် (၇) နာရီခန့်ကစတင်၍ တားမြစ် ရပ်တန့်စေခဲ့ခြင်းဖြစ်ပြီး သိန်းနီမြို့မှ ကွတ်ခိုင်မြို့အဝင် လွိုင်ဆမ်ဆစ်တောင်နှင့်အနီးရှိ ရပ်ကွက် (၈) အနီး၌လည်း နံနက် (၇)နာရီခွဲဝန်းကျင်မှစ၍ ပစ်ခတ်မှုများရှိနေ၍ မော်တော်ယာဉ်အချို့ ပိတ်မိနေခဲ့ခြင်းဖြစ်သည်။

ပစ်ခတ်သံများ တိတ်ဆိတ်သွားချိန်တွင် ကွတ်ခိုင်နှင့် နမ့်ဖက်ကာကြား ဖြတ်သန်းသွားလာသည့် မော်တော်ယာဉ် အချို့လည်းရှိသည်ဟု သိရသည်။

“ကွတ်ခိုင် - နမ့်ဖက်ကာကြားမှာ မနက် (၁၀)နာရီလောက်တော့ အသွားအလာမရှိကြဘူး။ နေ့လယ် (၁၁)နောက်ပိုင်းလောက်စပြီး နည်းနည်းပါးပါး အသွားအလာတော့ ရှိလာတယ်။  မူဆယ်ကနေ ညနေထွက်မယ့် မှန်လုံကားတွေကတော့ အပြောင်းအလဲမရှိဘူး။ ထွက်မယ်လို့သိရတယ်”ဟု မူဆယ်မြို့ခံ ဦးဌေးက တာချီလိတ်သတင်းအေဂျင်စီသို့ ညနေ (၂)နာရီကျော်တွင် ပြောသည်။


ပစ်ခတ်မှုများအတွင်း ပိတ်မိနေသည့် ခရီးသည်တင်ယာဉ်အချို့ကလည်း တိုက်ပွဲဖြစ်ပွားနေသည်ကို လူမှုကွန်ယက်စာမျက်နှာတွင် တင်ထားသည်များကိုလည်း တွေ့ရသည်။

ပြည်ထောင်စုလမ်းပိုင်းတလျှောက်တွင် မကြာခဏ ပစ်ခတ်တိုက်ခိုက်မှုများ ဖြစ်ပွား၍ ပစ်ခတ်တိုက်ခိုက်မှုများအတွင်း မော်တော်ယာဉ်များ ပိတ်မိမှုများ ဖြစ်ပွားလေ့ရှိနေခြင်းဖြစ်သည်။

Tachileik News Agency
သတင်း -  နေဖြိုးမြင့်
 #TachileikNewsAgency #TNA #TachileikOnlineNews  #တာချီလိတ်သတင်းအေဂျင်စီ www.tachileik.net  


ရှမ်းပြည်နယ်အတွင်း ကိုယ်ထူကိုယ်ထလမ်းများအတွက် ပြည်နယ်အစိုးရက ကတ္တရာများ ပံ့ပိုးပေးနေ

ရှမ်းပြည်နယ်တွင်း ကတ္တရာလမ်းများခင်းနိုင်ရေးအတွက် စည်ပင်သာယာရေးဌာနများတွင် ဘတ်ဂျက် မလုံလောက်၍ ကိုယ်ထူကိုယ်ထလမ်းများကို ပြည်နယ်အစိုးရအဖွဲ့၊ စည်ပင်သာယာရေး ဝန်ကြီးဌာနက ကတ္တရာပံ့ပိုးနေရာ နှစ်စဉ် ကတ္တရာတန်ချိန် (၁၅၀၀) ဝန်းကျင် ပံ့ပိုးနေရကြောင်း သိရသည်။

“စည်ပင်ဧရိယာထဲမှာ ကိုယ်ထူကိုယ်ထ ခင်းချင်တယ်ဆိုရင် ကတ္တရာဘယ်လောက် ကုန်မလဲဆိုတာ စည်ပင်က ပံ့ပိုးပေးပါတယ်။ တောင်းတဲ့မြို့နယ်တွေက တောင်းကြတယ်။ တစ်ချို့လည်း ကိုယ်ထူကိုယ်ထခင်းဖို့ ဘတ်ဂျက်မရှိကြလို့ မတောင်းကြတာလည်း ရှိကြမှာပါ။ ကတ္တရာက ပံ့ပိုးပေးနေတာ တစ်နှစ်ကို တန် (၁၅၀၀) လောက်ကုန်တယ်။ မြို့နယ်တိုင်း စည်ပင်ဧရိယာထဲရှိတယ်ဆိုရင် ထောက်ပံ့ပါတယ်။ ပြည်နယ်အစိုးရက ထောက်ပံ့တာကို စည်ပင်က တာဝန်ယူတာပေါ့။ ကျွန်တော်တို့က ဘတ်ဂျက်မရှိတော့ မခင်းပေးနိုင်ဘူး။ လူထုနဲ့ပူးပေါင်းမှ ခင်းပေးနိုင်မှာပေါ့။ တောင်ကြီး ကမ္ဘောဇလမ်းတို့ဘာတို့ဆိုရင် အလှူရှင်နဲ့ ခင်းနေတာတွေပါ။ ကျွန်တော်တို့က ကတ္တရာနည်းနည်းပါးပါးပဲ ပံ့ပိုးပေးရတာပါ”ဟု ရှမ်းပြည်နယ်အစိုးရအဖွဲ့ဝင် စည်ပင်သာယာရေးဝန်ကြီး ဦးစိုင်းစွံဆိုင်းက တာချီလိတ်သတင်းအေဂျင်စီသို့ နိုဝင်ဘာလ(၁၃)ရက်နေ့တွင် ပြောသည်။

ဒေသတွင်း ကတ္တရာလမ်းခင်းလိုပါက ကတ္တရာကုန်ကျမည့်ပမာဏ တွက်ချက်ပေးခြင်းနှင့် ပြည်နယ် စည်ပင်သာယာရေးဝန်ကြီးဌာနမှ ကတ္တရာတင်ပြတောင်းခံပေးခြင်းတို့ကို မြို့နယ်စည်ပင်သာယာရေးဌာနများ အနေဖြင့် ဆောင်ရွက်ပေးနေကြောင်း သိရသည်။

"ကျွန်တော်တို့ စည်ပင်ဘတ်ဂျက်က မလောက်ဘူး။ ကိုယ်ထူကိုယ်ထခင်းမှ မြို့ပေါ်လမ်းတွေက တိုးတက်မှာ။ ကိုယ်ထူကိုယ်ထခင်းမယ်ဆို စည်ပင်ကိုဆက်သွယ်ပါ။ စည်ပင်က ကတ္တရာရအောင် ပြည်နယ်ကို တင်ပေးမှာပေါ့။ စည်ပင်ဘတ်ဂျက်က အကန့်အသတ်ရှိတော့ ကိုယ်ထူကိုယ်ထခင်းတာ ပိုကောင်းတာပေါ့"ဟု ကျိုင်းတုံမြို့နယ် စည်ပင်သာယာရေးဌာနမှ အမှုဆောင်အရာရှိ ဦးကျော်မင်းထိုက်က တာချီလိတ်သတင်းအေဂျင်စီသို့ ပြောသည်။

ရှမ်းပြည်နယ်အရှေ့ပိုင်း တာချီလိတ်နှင့် ကျိုင်းတုံတို့တွင် ၂၀၁၈ - ၂၀၁၉ ဘဏ္ဍာနှစ်အတွင်း ပြည်နယ် စည်ပင်သာယာရေးဝန်ကြီးဌာန၏ ကတ္တရာပံ့ပိုးမှုရယူပြီး ကိုယ်ထူကိုယ်ထလမ်းခင်းသည့် အရေအတွက်မှာ ကျိုင်းတုံမြို့တွင် ပိုများကြောင်း သိရသည်။

Tachileik News Agency
သတင်း  - ဟန်စိုးထိုက်
 #TachileikNewsAgency #TNA #TachileikOnlineNews  #တာချီလိတ်သတင်းအေဂျင်စီ www.tachileik.net  



ရှမ်းပြည်နယ်(အရှေ့ပိုင်း)၊ မိုင်းဆတ်ခရိုင်၊ မိုင်းတုံမြို့နယ်အတွင်း သံလွင်မြစ်အနီးတွင် ငလျင်တစ်ခု လှုပ်ခတ်သွားကြောင်း သိရသည်။

၂၀၁၉ခုနှစ် နိုဝင်ဘာလ(၁၃)ရက်နေ့ မြန်မာစံတော်ချိန် နံနက်(၉)နာရီ (၃၆)မိနစ် (၃၉)စက္ကန့်အချိန်က အင်အား ရစ်(ခ်)တာစကေး)(၃.၅)အဆင့်ရှိ အင်အားနည်း ငလျင်တစ်ခု လှုပ်ခတ်သွားခဲ့ကြောင်း ထိုင်းနိုင်ငံ ငလျင်တိုင်းတာရေးဌာနက ထုတ်ပြန်ထားရှိသည်။

မြန်မာနိုင်ငံအတွင်း နိုဝင်ဘာလ(၁၂)ရက်နေ့က ရှမ်း - ကယားနယ်စပ်တွင် အင်အား ရစ်(ခ်)တာစကေး (၂.၃)အဆင့်ရှိ ငလျင်တစ်ခု နှင့် အင်အား ရစ်(ခ်)တာစကေး(၄.၃)အဆင့်ရှိ ငလျင်တစ်ခု ရန်ကုန်တွင် လှုပ်ခတ်သွားခဲ့ကြောင်း သိရသည်။

အဆိုပါ ငလျင်အဆင့်များကို ထိုင်းနိုင်ငံ ငလျင်တိုင်းတာရေးဌာနက ထုတ်ပြန်ထားခြင်း ဖြစ်ပြီး ရန်ကုန်တွင် လှုပ်ခတ်သည့် ငလျင်အဆင့်မှာ (၄.၁)ရှိကြောင်း မိုးဇလ ကထုတ်ပြန်ထားရှိသည်။

Tachileik News Agency

 #TachileikNewsAgency #TNA #TachileikOnlineNews  #တာချီလိတ်သတင်းအေဂျင်စီ www.tachileik.net  

ရုပ်မြင်သံကြားသတင်းများ

Ads Place 970 X 90

ကြော်ငြာကဏ္ဍ

ဆောင်းပါးများ

နိုင်ငံတကာသတင်းများ