~ တစ်ပတ်အတွင်း သတင်းများ ~

မှတ်ပုံတင် မရှိသေးသည့် နိုင်ငံရေးပါတီဝင်များအား မှတ်ပုံတင်ပြုလုပ်ပေးနိုင်ရန်အတွက် ရွေးကောက်ပွဲကော်မရှင်က လူဝင်မှုကြီးကြပ်ရေးသို့ ညှိနှိုင်းထား

Written By Mr.Administrator on Thursday, November 27, 2014 | Thursday, November 27, 2014

ပြည်ထောင်စု ရွေးကောက်ပွဲ ကော်မရှင်က လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနအား နိုင်ငံရေးပါတီဝင်များမှ နိုင်ငံသား စိစစ်ရေးကတ်ပြား လျှောက်ထားလာပါက ဥပဒေနှင့်အညီ နိုင်ငံသားစိစစ်ရေးကတ်ပြား ပြုလုပ်ပေးရန် အတွက် ညှိနှိုင်းစာကို ပြီးခဲ့သည့် ရက်ပိုင်းက နိုဝင်ဘာလ (၁၉)ရက်နေ့ ရက်စွဲဖြင့် ပေးပို့ထားကြောင်း သိရသည်။

ယခုလို ကိစ္စနှင့် ပတ်သက်ပြီး ရွေးကောက်ပွဲကော်မရှင်က နိုင်ငံရေးစိစစ်ရေးကတ် မရှိတာ တစ်ခုတည်းနှင့် နိုင်ငံရေး ပါတီတစ်ခု၏ ပါတီဝင်အဖြစ် ၀င်ရောက်နိုင်ခွင့် မရှိခြင်းသည် နိုင်ငံသားတစ်ဦး၏ အခွင့်အရေးအား ဆုံးရှုံးနစ်နာစေနိုင်သည့် အတွက် ဖွဲ့စည်းပုံအခြေခံ ဥပဒေပုဒ်မ ၃၄၅ ပါ ပြဋ္ဌာန်းချက်နှင့် ညီညွတ်သော နိုင်ငံသားများအား နိုင်ငံသားစိစစ်ရေးကတ်ပြားများကို ဆောလျင်စွာ ရရှိနိုင်ရေးအတွက် လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနကို ညှိနှိုင်းစာပို့ထားလိုက်တာ ဖြစ်ကြောင်း သိရသည်။

နိုင်ငံရေးပါတီများ မှတ်ပုံတင်ခြင်း ဥပဒေ ဒုတိယအကြိမ် ပြင်ဆင်ချက်အရ နိုင်ငံရေးပါတီဝင်များသည် "နိုင်ငံသားနှင့် နိုင်ငံသားပြုခွင့် ရသူဖြစ်ခြင်း"ဟု ပြဋ္ဌာန်းထားသည့်အတွက် နိုင်ငံရေးပါတီအချို့က ပါတီဝင်များမှာ ဌာနေတိုင်းရင်းသားများ ဖြစ်သော်လည်း နိုင်ငံရေးစိစစ်ရေးကတ်ပြား မရရှိသေးသူတွေ အပြားအများရှိနေကြောင်းလည်း သိရှိရသည်။

သတင်း ။  ။ ကိုဇောင်း
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~

~~~~~~~~~~ ကြော်ငြာ ~~~~~~~~~

မီတာ အသုံးပြုခ မပေးသွင်းရသူများ ဒီဇင်ဘာလ(၁)ရက်နေ့ နောက်ဆုံးထား ပေးသွင်းရန် တာချီလိတ် မီးလင်းရေးမှ အသိပေး

တာချီလိတ်မြို့နယ်အတွင်း (၂၄)နာရီ လျှပ်စစ်မီးလင်းရေးအတွက် မီးလင်းရေးကော်မတီ(တာချီလိတ်)မှ ထိုင်းနိုင်ငံဘက်မှ လျှပ်စစ်မီးအား တဆင့်ဝယ်ယူကာ တာချီလိတ်မြို့ရှိ ပြည်သူများကို ပြန်လည်၍ ဖြန့်ဝေပေးလျှက်ရှိပြီး ထိုသို့ လျှပ်စစ်မီး ဖြန့်ဝေပေးမှုများနှင့် ပတ်သက်၍ သုံးစွဲသူများ အနေဖြင့် လစဉ် သုံးစွဲခ ပေးချေမှုများမှာ နှောင့်နှေးမှုများ ဖြစ်ပေါ်ပြီး သတ်မှတ်ရက်များထက် ကျော်လွန်မှ ပေးချေကြသည့်အတွက် ကော်မတီအနေဖြင့်  မီတာအသုံးပြုခ ပေါင်းချုပ်ကို တစ်ဖက်သို့ ပြန်လည် ပေးသွင်းရာမှာ အခက်အခဲဖြစ်သည့် အတွက် မီတာသုံးစွဲသူ ပြည်သူများအနေဖြင့် မီတာအသုံးပြုခများကို သတ်မှတ်ရက်အတွင်း လာရောက် ဆောင်စေလိုကြောင်းနှင့် ထိုသို့ သတ်မှတ်ရက်အတွင်း မဟုတ်ဘဲ နောက်ကျမှ လာရောက် ဆောင်သူများကို ဒဏ်ကြေးကောက်ခံခြင်း နှင့် မီးဖြတ်ခြင်းများကို ပြုလုပ်သွားမှာ ဖြစ်ကြောင်း သိရသည်။

မီးလင်းရေးကော်မတီ(တာချီလိတ်)မှ လစဉ် မီးတာအသုံးပြုခ ပေးသွင်းရက်ကို သတ်မှတ်ရက်အဖြစ် လစဉ် (၂၅)ရက်နေ့ အထိသာ သတ်မှတ်ထားပြီး (၂၅)ရက်နေ့ ကျော်လွန်သွားပါက ဒဏ်ကြေးအဖြစ် (၂၀၀)ဘတ် သတ်မှတ်ကြောင်းနှင့် သတ်မှတ်ရက်အတွင်း မီတာအသုံးပြုခ ပေးသွင်းခြင်း မရှိသည့် အိမ်များကို မီးဖြတ်တောက် သွားမှာ ဖြစ်ကြောင်း သိရသည်။

တာချီလိတ် မီးလင်းရေးကော်မတီမှ တာဝန်ရှိသူ တစ်ဦးက"သတ်မှတ်ရက်အတွင်း မီတာခ လာမဆောင်တဲ့ အိမ်တွေကို ဒဏ်ကြေးအဖြစ် ဘတ်(၂၀၀) ကောက်ပါတယ်၊ ဒီလို (၂၀၀)ဘတ် ကောက်တယ် ဆိုတာကလည်း တစ်ရက်နှုန်း တစ်လနှုန်းနဲ့ မဟုတ်ပါဘူး၊ မီတာအသုံးပြုခ လာမဆောင်မခြင်း (၂၀၀)ဘတ်ဘဲ ကောက်တာပါ.."ဟု တာချီလိတ်အွန်လိုင်းသို့ ရှင်းပြသည်။

ယခု နိုဝင်ဘာလအတွင်း မီတာအသုံးပြုသူများ အနေဖြင့် သတ်မှတ်ရက်ဖြစ်သော နိုဝင်ဘာလ (၂၅)ရက်နေ့က အသုံးပြုခ လာရောက်ပေးသွင်းခြင်း မရှိသေးသည့် အတွက် ၁.၁၂.၂၀၁၄ ရက်နေ့ နောက်ဆုံးထား၍ မီးလင်းရေးရုံးသို့ လာရောက် ပေးသွင်းရမှာ ဖြစ်ကြောင်းသိရပြီး ယခုဖော်ပြပါ စာရင်းများသည် မီတာအသုံးပြုခ ပေးသွင်းခြင်း မရှိသေးသူများ၏ စာရင်းများဖြစ်ပြီး အဆိုပါ စာရွက်များကို သက်ဆိုင်ရာ ရပ်ကွက်ရုံးများတွင်လည်း ပြည်သူများ သိရှိရန်အတွက် ကပ်ထားရန် ဖြန့်ဝေထားပြီးပြီ ဖြစ်ကြောင်း သိရသည်။

သတင်း ။   ။ ကိုဇောင်း

( အမည်စာရင်းများကို အသေးစိတ်သိရှိလိုက ပုံကို နိပ်၍ ကြည့်နိုင်ပါသည်။ )

















~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~

တာချီလိတ်မြို့နယ်အတွင်း အန္တရာယ်ကင်းစေရေး အတွက် အသံမစဲပဌာန်းပွဲ (၅)ရက်တိုင်တိုင် ကျင်းပ

ထိုင်းနိုင်ငံ တော်ဝင်မိသားစုမှ မိုင်းဖုန်းဆရာတော်အား မြဘုရားပုံတူ ဆင်းတုတော် နှစ်ဆူနှင့် ရွှေဘုရား တစ်ဆူ လှူဒါန်းထားရှိရာ မိုင်းဖုန်းဆရာတော်မှ တာချီလိတ်တပ်နယ်မှ တပ်မတော်သားများ ဖူးမျှော် ကြည်ညိုနိုင်ရန် အတွက် ရွှေဘုရားတစ်ဆူ နှင့် တာချီလိတ်မြို့အတွင်းရှိ ဒေသခံ တိုင်းရင်းသားများ နှင့် အများပြည်သူများ စသည့် ခုနစ်ရက်သားသမီးများ ဖူးမျှော် ကြည်ညိုနိုင်ရန်အတွက် မြဘုရားဆင်းတုတော် တစ်ဆူကို ၂၀၁၄ခုနှစ် နိုဝင်ဘာလ(၈)ရက် နေ့လယ်ပိုင်းက တဆင့်ပြန်လည် ပေးအပ်လှူဒါန်းလာရာ တာချီလိတ်မြို့နယ် အုပ်ချုပ်ရေးမှူး ဦးထွန်းထွန်းဝင်း မှ မြဘုရားအား ပင့်ဆောင်လာပြီး တာချီလိတ်မြို့နယ် ဓမ္မာရုံ၌ တည်ထားကိုးကွယ်ပြီးနောက် ယနေ့ နိုဝင်ဘာလ(၂၇)ရက် နံနက် (၆)နာရီအချိန်က ဗုဒ္ဓါဘိသေက အနေကဇာတင်မင်္ဂလာ အခမ်းအနားကို ကျင်းပပြုလုပ်ခဲ့ကြသည်။



တဆက်တည်းမှာပင် တာချီလိတ်မြို့နယ်အတွင်း အန္တရာယ်ကင်းစေရန်အတွက် တာချီလိတ် ခရိုင်/မြို့နယ်၊ရပ်ကွက်/ကျေးရွာ အုပ်ချုပ်ရေးမှူးများ၊ စေတနာရှင် အလှူရှင်များ၊ လူမှုရေး အသင်းအဖွဲ့များ စုပေါင်းပါဝင် ဆင်ယင် ကျင်းပပြုလုပ်သည့် အသံမစဲပဌာန်းပွဲ ဖွင့်ပွဲကို တာချီလိတ်မြို့နယ်၊ ၀မ်ကောင်းရပ်ကွက်ရှိ  တောင်တန်းသာသနာပြု ၀န်ထမ်းကုန်း ဘုန်းကြီးကျောင်းတွင် ကျင်းပပြုလုပ်ပြီး (၅)ရက်တိတိ အသံမစဲပဌာန်းပွဲကို အဆိုပါ ကျောင်းတိုက်မှာပင် ကျင်းပပြုလုပ်မှာ ဖြစ်ကြောင်း သိရသည်။



ဖွင့်ပွဲအဖြစ် ကျင်းပပြုလုပ်ရာတွင် တာချီလိတ်မြို့တောင်တန်းသာသနာပြုဆရာတော်ဘုရားကြီးမှ တရားတော်များ ချီးမြှင့်တော်မူပြီး ပင့်ဖိတ်ထားသော သံဃာတော် အရှင်သူမြတ်များမှ ဘုရားပင့်ဂါထာများ၊ ပဌာန်းများ ရွတ်ဖတ်ပြီး ဧည့်ပရိသတ်များက ဂုဏ်တော်ပွားများကြသည်။

အဆိုပါ အသံမစဲပဌာန်းပွဲကို ယနေ့ နိုဝင်ဘာလ(၂၇)ရက်နေ့ မှစတင်ကာ ဒီဇင်ဘာလ(၁)ရက်နေ့အထိ (၅)ရက်တိုင်တိုင် ကျင်းပပြုလုပ်မှာဖြစ်ကြောင်း သိရသည်။
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~


~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

ပင်လယ်ရေတွေ နီသွားတဲ့ တရုတ်ပင်လယ်

Written By Mr.Administrator on Wednesday, November 26, 2014 | Wednesday, November 26, 2014

တရုတ်နိုင်ငံ၊ ကွမ်းတုံပြည်နယ် Shenzhen ကမ်းခြေတစ်ခုမှာ လွန်ခဲ့တဲ့ အင်္ဂါနေ့က ပင်လယ်ရေတွေဟာ အနီရောင်အဖြစ် ပြောင်းလဲသွားခဲ့တဲ့ အတွက် ခရီးသွားတွေက ရေပြင်အဆိပ်သင့်မှုတွေ ဖြစ်နိုင်တယ်ဆိုပြီး ရေကူးတာတွေ မပြုလုပ်တော့ကြောင်း သိရသည်။


အခုလို ပင်လယ်ရေ နီနေတာဟာ ငါးမန်းတွေ လူကိုကိုက်လို့လည်း နီနေခြင်းမဟုတ်ဘဲ၊ သမ္မာကျမ်းစာပါ ရောဂါဆိုးတွေကြောင့်လား ဆိုတာကိုတော့ အတိအကျ မပြောနိုင်ကြဘူးလို့ ကမ်းခြေရှိ ဧည့်သည်များက ထင်မြင်ယူဆ ပြောဆိုနေကြသည်။


သဘာဝပတ်ဝန်းကျင် ပြောင်းလဲမှုနဲ့ ဂေဟစနစ် ပျက်ယွင်းမှုများကြောင့် ဖြစ်နိုင်ကြောင်း သဘာဝပတ်ဝန်း ကျင်ဆိုင်ရာ ပညာရှင် Mr Zhou Kai ကတော့ ဆိုထားပြီး မိုးလေ၀သနဲ့ ဇလဗေဒဆိုင်ရာ စစ်တမ်းတွေ ကတော့ ပင်လယ်ရေပြင် ညစ်ညမ်းမှုများဖြစ်ပေါ်နေကြောင်း ထုတ်ပြန်ထားကြောင်း သိရသည်။

ဘာသာပြန် ။  ။ မင်းသုတ
Photo & Ref; CCTVnews
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~


~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~

အသက် (၂)နှစ်အရွယ်ကလေးငယ် အိမ်ဖော်နှိပ်စက်၍ ယူဂန်ဒါနိုင်ငံ၌ သေဆုံး ( ရုပ်သံ )

ယူဂန်ဒါနိုင်ငံမှာ ကလေးထိန်းတစ်ဦးက အသက်(၂)နှစ်အရွယ် ကလေးငယ်တစ်ဦးကို ထမင်းကျွေးရင်း တီဗွီကြည့်နေစဉ် ကလေးငယ်မှ စားပြီးသား အစာပြန်အန်ထွက်ခြင်းကြောင့် ကလေးငယ်အား ကောက်ယူလွှင့်ပစ်လိုက်ပြီး လက်နှိပ်ဓါတ်မီးဖြင့် အချက်ပေါင်းများစွာ ထုရိုက်ပြီး ကန်ကျောက်ကာ ခန္ဓာကိုယ်ဖြင့် တက်နင်းခြင်းများပြုသဖြင့် ကလေးငယ်မှာ အတွင်းဒဏ်ရာဖြင့် ဆေးရုံတွင် သေဆုံးသွားကြောင်း သိရသည်။


အသက်(၂၂)နှစ်အရွယ် Tumuhiirwe ဆိုသူ ကလေးထိန်းအမျိုးသမီးအား ယူဂန်ဒါရဲတပ်ဖွဲ့က ကလေးသူငယ်အား မတရားညှင်းပမ်းနှိပ်စက်မှုဖြင့် (၂)နှစ်အရွယ် ကလေးငယ် သေဆုံးသွားသောကြောင့် ဖမ်းဆီးထားပြီး ၎င်းပြစ်မှုကျူးလွန်ပုံ ဗီဒီယိုဖိုင်အား ကလေးငယ်၏ မိဘများမှ ပေးအပ်ခဲ့ခြင်းဖြစ်ပါတယ်။


( ရုပ်သံ တင်ဆက်မှု )

ကလေးမိဘများမှ ကလေးငယ် အတွင်းဒဏ်ရာနှင့် ဆေးရုံတင်ပို့ထားပြီးနောက် ၎င်းတို့ အိမ်တွင် တပ်ဆင်ထားသော CCTV အား စစ်ဆေးကြည့်ရှုခဲ့ရာ ကလေးငယ်အား မတရားနှိပ်စက်ထားသည်ကို တွေ့ရှိရပြီးနောက် ယူဂန်ဒါရဲတပ်ဖွဲ့သို့ တိုင်ကြားခဲ့ခြင်းဖြစ်ကြောင်း သိရပါတယ်။

ကလေးငယ်မှာ ဆေးရုံတင်ထားစဉ် အတွင်း အတွင်းဒဏ်ရာ ပြင်းထန်သောကြောင့် ဆုံးပါးသွားတာ ဖြစ်ကြောင်းသိရှိရသည်။


ဘာသာပြန် ။   ။ မင်းသုတ
Ref; dailymail
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~
~~~~~~~~ ကြော်ငြာ ~~~~~~~~~

ဆေးရွက် မီးခိုးမှိုင်းဖြင့် (၆)နှစ်ကလေးအား ဖခင်ဖြစ်သူမှ ဆေးကုပေး

တရုတ်နိုင်ငံ၊ ယန်နန်ပြည်နယ်မှာ Wei Shufu ဆိုတဲ့ လူတစ်ယောက်ဟာ သူ့၏ အသက်(၆)နှစ်အရွယ် သမီးငယ်ကို ဆေးဖက်ဝင်သစ်ရွက်သစ်ပင်များအား မီးရှို့ကာ မီးခိုးမှိုင်းဖြင့် အရိုးရောဂါကို ကုသပေးသောနည်းဖြင့် ကုသပေးခဲ့ကြောင်းသိရသည်။





မစ္စတာ Wei Shufu ဟာ သမီးဖြစ်သူကို တရုတ်နိုင်ငံတောင်ပိုင်း အကြီးဆုံးမြို့တော် ကွမ်ဇိုးဆေးရုံမှာ ကုသခဲ့ပေမယ့်  ဆေးကုသစရိတ် ကြီးမြင့်ခြင်းကြောင့် ပျောက်ကင်းအောင် မကုသနိုင်တဲ့အတွက် ဆရာဝန်များရဲ့ အကြံပေးချက်ဖြင့် ဆေးဖက်ဝင် သစ်ရွက်သစ်ဥ၊ သစ်ပင်များကို မီးရှို့ကာ မီးခိုးမှိုင်းဖြင့် ကုသပေးတဲ့နည်းဖြင့် ကုသပေးခဲ့ဖြစ်ကြောင်းသိရှိရသည်။

ဘာသာပြန် ။  ။ မင်းသုတ
Ref; dailymail.co.uk

~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~

~~~~~~~~~~ ကြော်ငြာ ~~~~~~~~~

တာချီလိတ်မြို့ မြန်မာ - ထိုင်း အမှတ်(၁) ချစ်ကြည်ရေး တံတား တိုးမြှင့် ဖွင့်ချိန်အား မြန်မာစံတော်ချိန် ည(၈း၃၀)နာရီအချိန်ထိ ဒီဇင်ဘာလ(၁)ရက်နေ့မှ စ၍ အမြဲတမ်း ဖွင့်လှစ်တော့မည်

Written By Mr.Administrator on Tuesday, November 25, 2014 | Tuesday, November 25, 2014

ထိုင်းအစိုးရမှ တာချီလိတ် - မယ်ဆိုင် နယ်စပ် ၀င်ပေါက်/ထွက်ပေါက်ဖြစ်သော ထိုင်း - မြန်မာ အမှတ်(၁)ချစ်ကြည်ရေး တံတား၏ ဖွင့်ချိန်အား မြန်မာစံတော်ချိန် ည(၈း၃၀)နာရီ အချိန်ထိ တိုးမြှင့် ဖွင့်လှစ်လိုကြောင်းကို နှစ်နိုင်ငံ မြို့နယ်အဆင့် နယ်ခြားကော်မတီ (ထိုင်းဘက်)မှ ကမ်းလှမ်းထားရာ အဆိုပါ ကိစ္စနှင့် ပတ်သက်၍  နိုင်ငံတော်သမ္မတ၏ လမ်းညွှန်ချက်အရ ၂၀၁၄ခုနှစ် ဒီဇင်ဘာလ(၁)ရက်နေ့မှ စတင်ကာ မြန်မာ - ထိုင်း အမှတ်(၁) ချစ်ကြည်ရေး တံတား၏ ဖွင့်ချိန်အား မြန်မာစံတော်ချိန် ည(၈း၃၀)နာရီ အချိန်ထိ  ဖွင့်လှစ်တော့မှာ ဖြစ်ကြောင်း သိရသည်။


၂၀၁၄ခုနှစ် ဒီဇင်ဘာလ (၁)ရက်နေ့မှစတင်၍ အမှတ်(၁) ချစ်ကြည်ရေး တံတား၏ ဖွင့်ချိန်အား မြန်မာ စံတော်ချိန် နံနက်(၆)နာရီ သတ်မှတ်ထားပြီး ပိတ်ချိန်အား မြန်မာစံတော်ချိန် ည(၈း၃၀)နာရီအချိန် ထိ သတ်မှတ်ထားရာ ညပိုင်း (၆)နာရီ ကျော်လွန်သွားပြီးနောက်မှာတော့ မော်တော်ကားများမှ လွဲ၍ စက်ဘီး၊ ဆိုင်ကယ် နှင့် လူများသာ သွားလာခွင့်ရှိမှာ ဖြစ်ကြောင်း သိရသည်။


တာချီလိတ်မြို့၏ တစ်ဘက်ကမ်းဖြစ်သော မယ်ဆိုင်မြို့သို့ ခရီးသွား ဧည့်သည်များသည် နှစ်စဉ် (၅)သန်းခန့် လာရောက် လည်ပတ်လေ့ရှိပြီး မယ်ဆိုင်မှ တစ်ဆင့် တာချီလိတ်မြို့သို့ ၀င်ရောက်၍ လည်ပတ်လေ့ရှိသလို ထိုင်း - မြန်မာ နှစ်နိုင်ငံ ကုန်သွယ်မှုမှာ ထိုင်းနိုင်ငံအနေဖြင့် ၂၀၁၄ခုနှစ် စက်တင်ဘာလ (၃၀)ရက်နေ့ အထိကို ထိုင်းဘတ်ငွေ (၁၂.၂၅)ဘီလီယံရှိပြီး ထိုင်းနိုင်ငံ ပို့ကုန်အနေဖြင့် ဘတ်(၁၁)ဘီလီယံခန့်ရှိကြောင်း သိရသည်။

သတင်း ။  ။ ကိုဇောင်း

~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~

~~~~~~~~~~ ကြော်ငြာ ~~~~~~~~~


ထိုင်းနိုင်ငံ၌ အလုပ်လုပ်ခွင့် သက်တမ်း(၁)နှစ်မှ (၂)နှစ်အထိ တိုးမြှင့်ရန် သဘောတူညီ

ထိုင်းနိုင်ငံ၊ ချင်းရိုင်းမြို့တွင် (၂၃)ကြိမ်မြောက် ထိုင်းနိုင်ငံကုန်သည်ကြီးများ(TTC) အစည်းအဝေးတွင် နိုင်ငံခြားသား အလုပ်သမားများ၏ အလုပ်လုပ်ခွင့် သက်တမ်းအား (၂)နှစ်အထိ တိုးမြှင့်ရန် သဘောတူညီခဲ့ကြောင်း သိရသည်။

ထိုင်းအစိုးရအဖွဲ့မှလည်း နိုင်ငံခြား ရင်းနှီးမြုပ်နှံသူများအား စွဲဆောင်မှုပြုလုပ်နိုင်ရန် အလုပ်ခွင်တွင်လည်း လိုအပ်သော အလုပ်သမားများ ရရှိရေး အဆင်ပြေစေရန်အတွက်နှင့် နိုင်ငံခြားသား အလုပ်သမားများ၏  အလုပ်လုပ်ခွင့် (Work Permit)အား ယခင်(၁)နှစ် ခွင့်ပြုထားရမှ ယခုအခါမှာ သက်တမ်း (၂)နှစ်သို့ တိုးမြှင့်ပေးလိုက်ခြင်းဖြစ်ကြောင်း သိရသည်။


ထိုင်းအစိုးရအဖွဲ့မှ ထိုင်းနိုင်ငံအား “ပို့ကုန်”တင်ပို့သော နိုင်ငံအဖြစ် တည်ဆောက်ရန် နိုင်ငံခြား ရင်းနှီးမြုပ်နှံ သူများအား ပိုမိုဝင်ရောက် လာနိုင်ရေးအတွက် အခွင့်အလမ်းများ ပိုမိုပေးထားသော အစီအစဉ်များ ရေးဆွဲထားကြောင်း သိရသည်။

နိုင်ငံခြားရင်းနှီးမြုပ်နှံမှု ဥပဒေနှင့် လုပ်ထုံး လုပ်နည်းများကိုလည်း အသင့်ဖြစ်စေရန်နှင့် အကျင့်ပျက်ချစားမှုများ မဖြစ်ပေါ်စေရန် နိုင်ငံခြားမှ လာရောက် ရင်းနှီးမြုပ်နှံသူများ အဆင်ပြေချောမွေ့စေရေး အလေးပေးဆောင်ရွက်ထားကြောင်း သိရှိရသည်။

သတင်း ။  ။ မင်းသုတ
Ref; chiangraitimes
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~


~~~~~~~~~ ကြော်ငြာ ~~~~~~~~~


အနာဂတ် ဂျီဟတ်ဘာသာရေး စစ်ပွဲများဖြစ်ပေါ်စေရန် ကလေးသူငယ်များအား ISIS မှ စခန်းသွင်းလေ့ကျင့်ပေးနေ

အစ္စလာမ်မစ် စစ်သွေးကြွအဖွဲ့ISIS မှ ကလေးသူငယ်များအား အနာဂတ် ဂျီဟတ်စစ်ပွဲများအတွက် စစ်ရေးလေ့ကျင့်မှုများ ပြုလုပ်လျှက်ရှိကြောင်း သိရသည်။


၎င်းအဖွဲ့အား “ဂျီဟတ်(၂)၏သွေးများ”ဟု အမည်ပေးထားသော ဗွီဒီယိုဖိုင်တစ်ခုကို ISIS အစွန်းရောက် အဖွဲ့က ထုတ်ဖေါ်ပြသခဲ့ပြီင်္း ရုပ်သံဖိုင် အတွင်းမှာတော့ ကလေးသူငယ်များ စစ်ရေးလေ့ကျင့်မှုများအား ISIS ထိန်းချုပ်နယ်မြေဖြစ်တဲ့ အီရတ်နိုင်ငံ၊ နိုင်ဗာပြည်နယ်မှာ လေ့ကျင့်နေတာဖြစ်ကြောင်း သိရသည်။


အဆိုပါ ရုပ်သံတွင် AK47 သေနတ်များဖြင့်ချီတက် လေ့ကျင့်နေမှုများ၊ အဆင့်မြင့် အတိုက်အခိုက် လေ့ကျင့်နေမှု ပုံစံများ၊ ၀တ်ပြုနေမှု ပုံစံများပါဝင်ပြီး အနာဂါတ်အစွန်းရောက် လုပ်ငန်းများအတွက် ပြင်ဆင်နေခြင်းများ ပြုလုပ်နေတာကို တွေ့မြင်ရသည်။

ကလေးသူငယ်များအား အခြားအယူဝါဒ ဘာသာတရားများအား အစ္စလာမ်ဘာသာ၏ ရန်သူများအဖြစ် အခြားအယူဝါဒ ကိုးကွယ်သူများ အားလုံးကို သတ်ဖြတ်ရန် အတွေးအခေါ်များ မှိုင်းတိုက် သွပ်သွင်းနေခြင်းဖြစ်ပြီး အနာဂတ် ဂျီဟတ်ဘာသာရေး စစ်ပွဲများဖြစ်ပေါ်စေရန် လေ့ကျင့် သင်ကြားနေခြင်းဖြစ်ကြောင်း သိရှိရသည်။

ဘာသာပြန် ။  ။ မင်းသုတ
Ref;dailymail
~⊱•❈❀ღ✿⊰❂⊱✿ღ❀❈•⊰~
Tachileik Online News
~⊱•❈❀ღ✿⊰❂⊱✿ღ❀❈•⊰~

~~~~~~~~~~ ကြော်ငြာ ~~~~~~~~~