မြန်မာတစ်နိုင်ငံလုံးကို စက်တင်ဘာ (၇) ရက်နေ့မှစ၍ အရေးပေါ်အခြေအနေကြေညာပြီး အရပ်ဘက်ရုံးဌာနအားလုံး ရက်အကန့်အသတ်မရှိ ပိတ်ရက်သတ်မှတ်
စစ်အာဏာရှင်များအား တစ်နိုင်ငံလုံးအတိုင်းအတာဖြင့် စတင်တော်လှန်တိုက်ခိုက်ကြမည့် ၂၀၂၁ ခုနှစ် စက်တင်ဘာလ (၇) ရက်နေ့မှစ၍ တစ်နိုင်ငံလုံး အတိုင်းအတာဖြင့် အရေးပေါ်အခြေအနေ ကြေညာထားပြီး အရပ်ဘက်ရုံးဌာနအားလုံးကို ရက်အကန့်အသတ်မရှိ အလုပ်ပိတ်ရက်အဖြစ် သတ်မှတ်လိုက်ကြောင်း အမျိုးသားညီညွတ်ရေးအစိုးရက ကြေညာလိုက်သည်။
နိုင်ငံတစ်ဝန်းလုံး ပြည်သူ့အုပ်ချုပ်ရေးအာဏာ ပြန်လည်ထူထောင်နိုင်သည့် အချိန်အထိ အရေးပေါ်အခြေအနေကို သတ်မှတ်ထားခြင်းဖြစ်သည်။
