ရှမ်းပြည်နယ်(အရှေ့ပိုင်း) တာချီလိတ်မြို့ ဝမ်ကောင်းရပ်ကွက်အတွင်း ဓမ္မသစ္စာဘုန်းကြီးကျောင်းတိုက်မှ သံဃ ရှင်သာမဏေနှင့်ကျောင်းသား စုစုပေါင်း (၁၅)ဦးတွင် Covid-19 ကူးစက်ခံထားရကြောင်း သိရသည်။
ယနေ့ ၂၀၂၁ခုနှစ် ဩဂုတ်လ(၁၃)ရက်နေ့တွင် ကျန်းမာရေး၏ စစ်ဆေးချက်အရ ရဟန်း(၃)ပါးနှင့် ကိုရင် (၉)ပါး အပြင် ကျောင်းသား(ကပ္ပိယ)(၃)ဦး စုစုပေါင်း (၁၅)ဦးတို့တွင် Covid-19 တွေ့ရှိရ၍ Covid-19 စောင့်ကြည့်ရေးစင်တာ(ဝမ်လုံး)တွင် ထားရှိကြောင်း သိရသည်။
ယနေ့ ဩဂုတ်လ(၁၃)ရက်နေ့တစ်နေ့တာအနေဖြင့် တာချီလိတ်ဆေးရုံဟောင်း၊ ဆေးရုံသစ် နှင့် ဓမ္မသစ္စာဘုန်းကြီးကျောင်းတိုက်တို့တွင် စစ်ဆေးချက်များအရ Covid-19 ကူးစက်ခံထားရသူ အမျိုးသား (၄၀)ဦး နှင့် အမျိုးသမီး (၂၄)ဦး စုစုပေါင်း (၆၄)ဦးအထိ စစ်ဆေးတွေ့ရှိရခြင်း ဖြစ်ကြောင်း သိရသည်။
တာချီလိတ်မြို့၏ Covdi-19 တတိယလှိုင်းကာလအတွင်း ၂၀၂၁ခုနှစ် ဇွန်လ(၂၈)ရက်နေ့မှ ယနေ့ ဩဂုတ်လ(၁၃)ရက်နေ့အထိ Covid-19 ကူးစက်ခံရသူ (၁,၉၈၉)ဦးအထိ ရှိနေပြီး သေဆုံးသူမှာလည်း (၃၁)ဦးအထိ ရှိနေကြောင်း သိရသည်။
