တာချီလိတ်မြို့တွင် Covid-19 ကူးစက်ခံရပြီး ရောဂါအခံရှိ၍ ယနေ့ ဩဂုတ်လ(၁၀)ရက်နေ့ နေ့တစ်ပိုင်းတည်းအချိန်တွင် အသက်(၈၀)ကျော် အမျိုးသား(၂)ဦး ထပ်မံသေဆုံးသွား၍ သေဆုံးသူ စုစုပေါင်း (၂၆)ဦးအထိ ရှိလာကြောင်း သိရသည်။

ယနေ့ နေ့တစ်ပိုင်းအတွင်း သေဆုံးသွားသူမှာ အသက်(၈၁)နှစ်အရွယ် အမျိုးသားတစ်ဦးဖြစ်ပြီး ၎င်းသည် တာချီလိတ်မြို့၊ ဝမ်ကောင်းရပ်ကွက်အတွင်း၌ နေထိုင်သူဖြစ်ပြီး Covid-19 ကူးစက်ခံရ၍ ရောဂါအခံကြောင့် ဩဂုတ်လ(၅)ရက်နေ့က တာချီလိတ်ခရိုင်ပြည်သူ့ဆေးရုံတွင် ဆေးဝါးကုသမှုခံယူနေရင်း သေဆုံးသွားခြင်း ဖြစ်ကြောင်း သိရသည်။

• ကိုဗစ် ဗဟိုအစည်းအဝေး (၇)ကြိမ်ပြုလုပ်ခဲ့ပြီးနောက် ကူးစက်မှု အတိုင်းအတာတစ်ခုအထိ ထိန်းချုပ်ထားနိုင်ပြီဖြစ်ကြောင်း အာဏာသိမ်းစစ်ခေါင်းဆောင်ပြော

ဒုတိယမြောက်သေဆုံးသူမှာ အသက်(၈၅)နှစ်အရွယ် အမျိုးသားတစ်ဦးဖြစ်ပြီး ၎င်းသည် နေအိမ်တွင် မကျန်းမာနေသူဖြစ်ပြီး ဆေးရုံသို့ ရောက်ရှိစဉ် ခဏအတွင်း၌ သေဆုံးသွားသည့် Covid-19 ကူးစက်ခံရသူ ရောဂါအခံရှိသူ ဖြစ်ကြောင်း သိရသည်။

တာချီလိတ်မြို့တွင် ဩဂုတ်လ(၉)ရက်နေ့အထိ Covid-19 ကူးစက်ခံရသူ (၁,၈၂၉)ဦးအထိရှိနေပြီး သေဆုံးသူမှာ ယနေ့ ဩဂုတ်လ(၁၀)ရက်နေ့ နေ့လည်ပိုင်းအချိန်အထိ အမျိုးသား (၁၄)ဦး နှင့် အမျိုးသမီး (၁၂)ဦး စုစုပေါင်း (၂၆)ဦးရှိနေကြောင်း သိရသည်။ 

• တာချီလိတ်မြို့ ရန်အောင်မြေရပ်ကွက်အတွင်းမှ Covid-19 ကူးစက်ခံရသူများကို တစ်ဦးလျှင် ဘတ်(၅၀၀) ထောက်ပံ့ပေးမည်ဖြစ်၍ အာခါနှစ်ခြင်းခရစ်ယာန်အသင်းတော်သို့ ဆက်သွယ် အကူအညီတောင်းခံနိုင်