တာချီလိတ်တပ်နယ်က တန်ဖိုးသင့် ထမင်းဟင်း နှင့် အထွေထွေစားသောက်ကုန်များကို ရှမ်းရိုးမကွင်းအတွင်း ရောင်းချပေး
ရှမ်းပြည်နယ်(အရှေ့ပိုင်း) တာချီလိတ်မြို့ရှိ ရှမ်းရိုးမကွင်း၌ တာချီလိတ်တပ်နယ်က တန်ဖိုးသင့် ထမင်း၊ ဟင်း နှင့် အထွေထွေစားသောက်ကုန်များကို ၂၀၂၀ခုနှစ် နိုဝင်ဘာလ(၅)ရက်နေ့ နံနက်ပိုင်းက ရောင်းချပေးခဲ့ကြောင်း သိရသည်။
တပ်နယ်က ထမင်း၊ ဟင်း အပါအဝင် ကြက်ဥ၊ ကြက်သား၊ ခရမ်းချဉ်သီး၊ ဆီသွတ်ဗူးများကို ဈေးဝယ်သူများအား တန်းစီစနစ်ဖြင့် ရောင်းချပေးခဲ့ခြင်းဖြစ်သည်။
လာရောက်ဝယ်ယူသူများတွင် နှာခေါင်းစည်း(mask)မပါသူများကိုလည်း နှာခေါင်းစည်း(mask)ပေးဝေခဲ့ကြောင်း နှင့် ယနေ့ရောင်းချမှုမှာ ကုန်သွားပြီဖြစ်၍ ထပ်မံ ဈေးရောင်းချပေးမှုအဖြစ် လတ်တလောတွင် အစီအစဉ်မရှိသေးကြောင်း သိရသည်။
Tachileik News Agency
သတင်း/ဓါတ်ပုံ - ကျော်ဇင်ဟိန်း
