တာချီလိတ်မြို့ရှိ ဈေးများတွင် ဈေးရောင်း ဈေးဝယ်သူများ နှာခေါင်းစည်(Mask)တပ်ကြရန် အသိပညာပေး 

နယ်စပ်ဒေသ တာချီလိတ်မြို့ရှိ ဈေးများတွင် ဈေးရောင်း ဈေးဝယ်များအနေဖြင့် Covid-19 ကြိုတင်ကာကွယ်နိုင်ရန် နှာခေါင်းစည်(Mask)များကို မဖြစ်မနေ တပ်ဆင်ကြရန် အသိပညာပေးကာ တိုက်တွန်းနေကြောင်း သိရသည်။

တာချီလိတ်မြို့မဈေး အပါအဝင် ပုဂ္ဂလိကဈေးများတွင် ဈေးရောင်းချသူများ နှင့် ဈေးဝယ်များမှာ Covid-19 ကြိုတင်ကာကွယ်ရေးအတွက် နှာခေါင်းစည်(Mask) မတပ်သူ များပြားနေသည့်အတွက် တာချီလိတ်မြို့နယ်စည်ပင်သာယာရေးဌာန နှင့် ကျန်းမာရေးဌာန အပါအဝင် ဈေးတာဝန်ခံများ ပူးပေါင်းကာ ၂၀၂၀ခုနှစ် စက်တင်ဘာလ (၂၁)ရက်နေ့တွင် အသိပေးခြင်းအပြင် Mask မတပ်လာသူများကို ပေးဝေခြင်းများ လုပ်ဆောင်နေကြောင်း သိရသည်။

တာချီလိတ်မြို့တွင် Covid-19 ကြိုတင်ကာကွယ်နိုင်ရေးအတွက် သတ်မှတ်စည်းကမ်းများကို လိုက်နာမှုအားနည်းနေပြီး နှာခေါင်းစည်း(Mask)မတပ်သူ များနေသည်ကိုလည်း တွေ့ရသည်။

Tachileik News Agency

ဓါတ်ပုံ - တာချီလိတ် စည်ပင်