မြန်မာ - ထိုင်း နယ်စပ်မြို့ဖြစ်တဲ့ တာချီလိတ်မြို့မှာ ဆိုင်ကယ်တွေလိုက်လံခိုးယူနေတဲ့အဖွဲ့တစ်ဖွဲ့ကို ၂၀၂၀ခုနှစ် ဩဂုတ်လ(၁၂)ရက်နေ့အထိ ဖမ်းဆီးရမိထားပြီး ဝယ်ယူသူတွေကိုလည်း ထပ်မံဖော်ထုတ်ဖို့လုပ်ဆောင်နေကြောင်း တာချီလိတ်မြို့နယ်ရဲတပ်ဖွဲ့မှူး ရဲမှူး ညီညီဌေးက ပြောပါတယ်။
တာချီလိတ်မြို့မှာ ဖြစ်ပွားခဲ့တဲ့ ပြန်ပေးဆွဲမှုတွေနဲ့ မူးယစ်ဆေးတွေ အများအပြား ဖမ်းစီးရမိခဲ့တဲ့အတွက် တာချီလိတ်မြို့က ရဲတပ်ဖွဲ့ဝင်တွေကို အထက်အကြီးအကဲတွေက ဆုချီးမြှင့်ဖို့စီစဉ်နေတယ်လို့ ရဲမှူးညီညီဌေးက ပြောပါတယ်။
တာချီလိတ်မြို့မှာ ဆိုင်ကယ်လိုက်လံခိုးယူနေတဲ့ အဖွဲ့တစ်ဖွဲ့ကို ၂၀၂၀ ခုနှစ် သြဂုတ်လ (၁၁) ရက်နေ့ညပိုင်းမှာ လှည့်ကင်းအဖွဲ့က ဖမ်းစီးရမိခဲ့ပြီးနောက် ကွင်းဆက်တရားခံတွေနဲ့ ခိုးယူခဲ့တဲ့ဆိုင်ကယ်တွေ သိမ်းဆည်းရမိရေး ဆက်လက်လုပ်ဆောင်နေပါတယ်။
Tachileik News Agency
သတင်းတင်ဆက် - ကိုဇောင်း
သတင်း/ရိုက်ကူး - ဟန်စိုးထိုက်
