ချစ်ခင်သူတွေ ချစ်ခြင်းမေတ္တာပြသစေမည့် ဗယ်လင်တိုင်းနေ့အတွက် တာချီလိတ်မြို့ ဗိုလ်ချုပ်အောင်ဆန်း လမ်းဘေးတစ်လျှောက်က လက်ဆောင်ပစ္စည်း အရောင်းဆိုင်များ
နယ်စပ်မြို့ဖြစ်သည့် ရှမ်းပြည်နယ် (အရှေ့ပိုင်း) တာချီလိတ်ရှိ ဗိုလ်ချုပ်အောင်ဆန်းလမ်းမကြီး တစ်လျှောက်တွင် ဗယ်လင်တိုင်းလက်ဆောင် ရောင်းချသည့်ဆိုင်များ အများအပြားကို ၂၀၂၀ ခုနှစ်၊ ဖေဖေါ်ဝါရီလ (၁၃)ရက်နေ့က တွေ့ရခြင်းဖြစ်ပါသည်။
ဖေဖေါ်ဝါရီလ (၁၄)ရက်နေ့တွင် ကျရောက်သည့် ချစ်သူများနေ့၌ ချစ်သူအချင်းချင်း၊ ချစ်ခင်ရသည့် မိသားစု၊ မိတ်ဆွေသူငယ်ချင်း အချင်းချင်း ချစ်ခြင်းမေတ္တာပြသသည့် လက်ဆောင်ပစ္စည်းများ ပေးပို့သည့်ဓလေ့ကို မြန်မာနိုင်ငံ လူငယ်များအကြား တဖြည်းဖြည်း လက်ခံကျင့်သုံးမှုရှိလာကြသည်နှင့်အတူ ဗယ်လင်တိုင်းလက်ဆောင် ရောင်းချသည့်ဈေးကွက်လည်း ကျယ်ပြန့်လာသည်ကို တွေ့ရခြင်းဖြစ်သည်။
Tachileik News Agency
ဓါတ်ပုံ - ကျော်ဇင်ဟိန်း
