~~~~~~~~⊰❂ Unicode Version ❂⊱~~~~~~~~

"၂၀၂၀ အထွေထွေရွေးကောက်ပွဲ မဲဆန္ဒပေးပိုင်ခွင့်ရှိတဲ့သူအားလုံး ဆန္ဒမဲပေးပိုင်ခွင့်ရှိစေဖို့ လူဦးရေကို စကောက်တာပေါ့။ အပိုင်း (၄) ပိုင်းနဲ့သွားမှာပါ။ လူဦးရေစာရင်းကိန်းဂဏန်းကို မှန်လည်း မှန်ကန်ရမယ်၊ တိကျရမယ်။ ပြည့်စုံရမယ်။ ဒါကို အဓိကထားတာပေါ့။ ရပ်ကျေးတွေက တက်လာတဲ့ လူဦးရေစာရင်းတွေကို မြို့နယ် လဝကမှာ အဖွဲ့ဖွဲ့ပြီးတော့ စိစစ်မှာပေါ့။ စာရင်းတွေမှန်ကန်မှုရှိရင် စာရင်း (၂) စုံမှာ (၁) စုံကို ရပ်ကျေးကိုပြန်ချပေးမယ်။ မဲဆန္ဒရှင်စာရင်းကိုလည်း ဒါပြီးရင် ဆက်လုပ်ဖို့ အစီအစဉ်ရှိတယ်"ဟု တာချီလိတ် ဒုတိယမြို့နယ်အုပ်ချုပ်ရေးမှူး ဦးမင်းအောင်က တာချီလိတ်သတင်းအေဂျင်စီသို့ ပြောသည်။

တာချီလိတ်မြို့နယ်အတွင်း မဲဆန္ဒရှင်စာရင်းကောက်ယူနိုင်ရန်အတွက် လူဦးရေစာရင်းအချက်အလက်များကောက်ယူပြုစုခြင်းနှင့် အခြေခံမဲဆန္ဒရှင်စာရင်းပြုစုခြင်းဆိုင်ရာ ဆင့်ပွားသင်တန်းကို တာချီလိတ်မြို့ရှိ အောင်မြတ်ခန်းမတွင် ၂၀၁၉ခုနှစ် ဇူလိုင်လ (၄)ရက်နေ့ နံနက်က ပြုလုပ်ရာတွင် တာချီလိတ်မြို့နယ်အုပ်ချုပ်ရေးမှူး ဦးချမ်းမြေ့စောနှင့် ဌာနဆိုင်ရာများ၊ တာချီလိတ်မြို့နယ် ရွေးကောက်ပွဲကော်မရှင်အဖွဲ့မှ တာဝန်ရှိသူများ၊ ရပ်ကွက်နှင့် ကျေးရွာများမှ အုပ်ချုပ်ရေးမှူးများ အပါအဝင် ရုံးအဖွဲ့ဝင်များ တက်ရောက်ခဲ့ကြသည်။

Tachileik News Agency