ရှမ်းပြည်နယ် (အရှေ့ပိုင်း) တာချီလိတ်မြို့ မဟာမြတ်မုနိဘုရားကြီးကျောင်းတိုက် ဦးစီးပဓာန နာယက ဆရာတော်၏ အန္တိမအဂ္ဂိဈာပနပူဇော်သည့်အနေဖြင့် (၆)ရက်ကြာကျင်းပမည့်တရားပွဲကို ၂၀၁၉ ခုနှစ်၊ အောက်တိုဘာလ (၂၄) ရက်နေ့ည၌ မြန်မာနိုင်ငံ၏ (၁၄)ပါးမြောက် တိပိဋကကောဝိဒဘွဲ့ရ ကမ္ဘောဇဆရာတော် ဘဒ္ဒန္တဝီရိယာနန္ဒက စတင်ဟောကြားနေပြီဖြစ်သည်။

 တာချီလိတ်မြို့ မဟာမြတ်မုနိဘုရားကြီးကျောင်းတိုက် ဦးစီးပဓာန နာယက ဆရာတော်၏ အန္တိမအဂ္ဂိဈာပနပူဇော်တရားပွဲများကို မဟာမြတ်မုနိဘုရားကြီးကျောင်းတိုက်၌ အောက်တိုဘာလ (၂၄)ရက်နေ့မှ (၂၉)ရက်နေ့အထိ (၆)ရက်ကြာ ညစဉ် (၇)နာရီခွဲမှစ၍ ဟောကြားမည်ဖြစ်သည်။

တရားပွဲပထမနေ့ဖြစ်သည့် အောက်တိုဘာလ (၂၄)ရက်နေ့တွင် မြို့နယ်အုပ်ချုပ်ရေးမှူး ဦးချမ်းမြေ့စော၏ အလှူအဖြစ် မြန်မာနိုင်ငံ၏ (၁၄)ပါးမြောက် တိပိဋကကောဝိဒဘွဲ့ရ ကမ္ဘောဇဆရာတော် ဘဒ္ဒန္တဝီရိယာနန္ဒက ဟောကြားနေခြင်းဖြစ်သည်။

ယင်းနောက် အောက်တိုဘာလ (၂၅)ရက်နေ့တွင် ဓမ္မမိတ်ဆွေများ၏အလှူများအဖြစ် တာချီလိတ်မြို့ မဟာဗောဓိ ကမ္မဌာန်းကျောင်းတိုက် ဆရာတော် ဘဒ္ဒ န္တဉာဏဝရ သဓမ္မဇောတိကဓဇ၊ အောက်တိုဘာလ (၂၆)ရက်နေ့တွင် ရှမ်းပြည်နယ် ဗုဒ္ဓတက္ကသိုလ်၏ အဓိပတိ သာသနဓဇ ဓမ္မာစရိယ၊ အဂ္ဂမဟာဂန္ထဝါစကပဏ္ဍိတ အဂ္ဂမဟာသဒ္ဓမ္မဇောတိကဓဇ၊ Ph.D(Oxford)၊ အောက်တိုဘာ (၂၇) ရက်နေ့တွင် ် ကျိုင်းတုံမြို့ လွယ်လုံကျောင်းတိုက် ဆရာတော် ဘဒ္ဒ န္တပညာသီရိ၊ သာသနဓဇဓမ္မာစရိယ(MA)၊ သဒ္ဓမ္မဇောတိကဓဇ၊ အောက်တိုဘာ (၂၈) ရက်နေ့တွင် မူဆယ်မြို့၊ လွယ်တိန်ခမ်းကျောင်းတိုက် ဆရာတော်၊ ဘဒ္ဒ န္တသုခမိန္ဒ၊ သာသနတက္ကသီလမဟာဓမ္မာစရိယ၊ B.A.M.A အဂ္ဂမဟာကမ္မဌာနာစရိယ၊ အောက်တိုဘာ (၂၉) ရက်နေ့တွင် ခရိုင်အုပ်ချုပ်ရေးမှူး ဦးမြင့်နိုင်၏ အလှူအဖြစ် စစ်ကိုင်းတောင် သီတဂူကမ္ဘာ့ဗုဒ္ဓတက္ကသိုလ် သီတဂူဆရာတော် ဒေါက်တာအရှင်ဉာဏိဿရ အဂ္ဂမဟာပဏ္ဍိတ အဂ္ဂမဟာသဒ္ဓမ္မဇောတိကတဇ မဟာဓမ္မကထိက ဗဟုဝနဟိတဇန အဂ္ဂမဟာဂန္တဝါစကပဏ္ဍိတတို့က ဟောကြားကြမည်ဖြစ်သည်။

Tachileik News Agency