အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၏ မကွေးတိုင်း ဂန့်ဂေါခရိုင် အမှတ် (၁၂)တပ်ရင်းသို့  လက်နက်နှင့်အတူ CDM ဝင်လာသည့် စစ်ကောင်စီတပ်သားတစ်ဦးကို ဆုငွေကျပ်သိန်း (၅၀)ချီးမြှင့်ပြီး CDM ဝင်ရောက်နိုင်ရေး ကူညီပေးသည့် ရဲဘော်အား ကျပ် (၁၀)သိန်း ချီးမြှင့်ကြောင်း သိရသည်။

အဆိုပါတပ်ရင်းတွင် ၂၀၂၃ ခုနှစ် ဇူလိုင်လ (၁၇)ရက်နေ့က ဆုငွေချီးမြှင့်ပေးခဲ့ခြင်းဖြစ်ကြောင်း People's Defence Force - Gangaw Battalion က ဇူလိုင်လ (၂၃)ရက်နေ့တွင် သတင်းထုတ်ပြန်ထားခြင်းဖြစ်သည်။

CDM ဝင်လာသည့် စစ်ကောင်စီတပ်သားသည် လက်ရှိတွင် PDF တပ်ဖွဲ့နှင့်အတူ တာဝန်ထမ်းဆောင်နေသည်ဟုလည်း သတင်းထုတ်ပြန်ထားသည်။

စစ်အုပ်စုက ၂၀၂၁ ခုနှစ် ဖေဖေါ်ဝါရီလ (၁)ရက်နေ့တွင် ပြည်သူရွေးကောက်ထားသည့် အစိုးရအဖွဲ့အား ဖမ်းဆီးကာ နိုင်ငံ့အာဏာသိမ်းလိုက်ပြီးနောက် စစ်ကောင်စီတပ်ဖွဲ့မှ CDM လုပ်ကြသည့်တပ်ဖွဲ့ဝင်များရှိလာခြင်းဖြစ်သည်။

#TachileikNewsAgency