တအာင်းအမျိုးသားလွတ်မြောက်ရေးတပ်မတော်(TNLA) စစ်ဦးစီးချုပ် ဗိုလ်မှူးချုပ် တားဟိုပလန် ဦး‌ဆောင်သည့်အဖွဲ့များသည် ၂၀၂၃ ခုနှစ် ဇွန်လ (၁၆)ရက်နေ့တွင် ကွတ်ခိုင်မြို့နယ်ရှိ ဒေသခံများနှင့် တွေ့ဆုံခဲ့သည်ဟု သိရသည်။



တွေဆုံပွဲတွင် စစ်ဦးစီးချုပ် ဗိုလ်မှူးချုပ်တားဟိုပလန်မှ လက်ရှိနိုင်ငံရေးအခြေအနေများ၊ PSLF/TNLA ၏ စစ်ရေး၊ နိုင်ငံရေးအခြေအနေများ၊ တအာင်းလူမျိုးများအကြား ပဋိပက္ခကိုရှောင်ရှားပြီး အချင်းချင်းစည်းလုံးသင့်ကြောင်းနှင့် လက်ရှိနိုင်ငံရေးအကြပ်အတည်းကြားတွင် စိတ်ဓာတ်ကျဆင်းမှုမရှိစေရန်နှင့် စိတ်ဓာတ်မြှင့်တင်ထားရန် ပြောကြားခဲ့သည်ဟု သိရသည်။



တွေ့ဆုံပွဲအခမ်းအနားကို ကွတ်ခိုင်မြို့နယ် ပန်လောကျေးရွာတွင်ပြုလုပ်ခဲ့ပြီး အခမ်းအနားသို့ PSLF/TNLA စစ်ဦးစီးချုပ် ဗိုလ်မှူးချုပ် တားဟိုပလန်နှင့်အဖွဲ့၊ တပ်မဟာ(၅) တပ်မဟာမှူးနှင့်အဖွဲ့၊ သံလွင်ခရိုင် အုပ်ချုပ်ရေးအဖွဲ့နှင့် ကွတ်ခိုင်မြို့နယ်ရှိ ဒေသခံပြည်သူလူထု စုစုပေါင်း လူဦးရေ (၆၀၀)နီးပါး တက်ရောက်ခဲ့ကြသည်ဟု TNLA က ယနေ့ ဇွန်လ(၁၇)ရက်နေ့ နံနက်ပိုင်းတွင် သတင်းထုတ်ပြန်ထားသည်။



#TachileikNewsAgency

Photo : News & Information Department