ရှမ်း - ကယားနယ်စပ်၊ ဖယ်ခုံမြို့နယ်၊ ခေါင်းအိကျေးရွာအုပ်စုဘက်သို့ စစ်ကြောင်းထိုးလာသည့် အာဏာသိမ်း စစ်ကောင်စီတပ် နှင့် (၈) ရက်ကြာ တိုက်ပွဲဖြစ်ပြီး စစ်ကောင်စီတပ်ဘက်က အများအပြားသေကာ လက်နက်ခဲယမ်းများ သိမ်းဆည်းရရှိခဲ့ကြောင်း ဖယ်ခုံ PDF က သတင်းထုတ်ပြန်သည်။
စစ်ကြောင်းထိုးလာသည့် စစ်ကောင်စီတပ် နှင့် ၂၀၂၃ခုနှစ်၊ မတ်လ(၈)ရက်က စတင်ကာ မတ်လ (၁၆)ရက်နေ့အထိ တိုက်ပွဲဖြစ်ပွားခဲ့ပြီး စစ်ကောင်စီတပ်သား (၄၅)ဦးသေကာ ဒေသကာကွယ်ရေးတပ်များဘက် က ( ၈ )ဦး မစိုးရိမ်ရသည့် ဒဏ်ရာရရှိခဲ့သည်ဟု ဆိုသည်။
စစ်ကောင်စီတပ်သားမျာ သေဆုံးစာရင်းကို Tachileik News Agency အနေဖြင့် သီးခြားအတည်မပြုနိုင်ပါ။
အာဏာသိမ်းစစ်ကောင်စီတပ်သားများကို ဖယ်ခုံ PDF 1002 တပ်ရင်း၊ KNDF၊ KA၊ DMO - Local PDF၊ PDF မိုးဗြဲ (1001)၊ 1004၊ 1008၊ 1005၊ SSNRU တို့က ခုခံ တိုက်ခိုက်ခဲ့ခြင်းဖြစ်ကြောင်း သိရသည်။
#TachileikNewsAgency
Photo: PDF Pekhon
