ရှမ်းပြည်နယ်(အရှေ့ပိုင်း) တာချီလိတ်မြို့နယ်အတွင်း ကြိုတင်ဆန္ဒမဲပေးမှုနဲ့ပတ်သက်လို့ ပထမဆုံး ကန့်ကွက်မှုတစ်ခုကို ၂၀၂၀ ခုနှစ် နိုဝင်ဘာလ (၁) ရက်နေ့မှာ ပြည်ခိုင်ဖြိုးပါတီက တင်ပြလာတဲ့အခါ  မြို့နယ်ရွေးကောက်ပွဲကော်မရှင်အဖွဲ့ခွဲက ချက်ချင်းသွားရောက်ဖြေရှင်းပြီး  အခုလို ပြန်လည်ရှင်းပြပါတယ်။

၂၀၂၀ခုနှစ် ရွေးကောက်ပွဲကို နိုဝင်ဘာလ(၈)ရက်နေ့မှာ ကျင်းပမှာဖြစ်ပေမဲ့လည်း အသက်(၆၀)အထက် နဲ့ မဲရုံတာဝန်ကျသူများကတော့ အောက်တိုဘာလ(၂၉)ရက်နေ့က စပြီး သက်ဆိုင်ရာ ရပ်/ကျေး ကော်မရှင်အဖွဲ့ခွဲရုံးတွေမှာ ကြိုတင်ဆန္ဒမဲပေးနေကြတာပဲ ဖြစ်ပါတယ်။