ရှမ်း(ရှေ့)က မဂ္ဂနီဒိုင်အောက်ဆိုဒ် တူးဖော်ထုတ်လုပ်နေတဲ့ လုပ်ငန်းရှင်များ ကုန်ချောအဆင့်ထိ ထုတ်လုပ်နိုင်ရန် စီစဉ်နေ

ရှမ်းပြည်နယ်အရှေ့ပိုင်း တာချီလိတ်မြို့နယ်ထဲမှာ မဂ္ဂနီဒိုင်အောက်ဆိုဒ် တူးဖော်ထုတ်လုပ်နေတဲ့ တိုင်းရင်းသားလုပ်ငန်းရှင်တွေအနေနဲ့ ကုန်ချောအဆင့်ထိထုတ်လုပ်နိုင်အောင်စီစဉ်နေတယ်လို့ သိရပါတယ်။ 

မဂ္ဂနိဒိုင်အောက်ဆိုဒ်ထုတ်လုပ်နေတဲ့လုပ်ငန်းရှင်တွေအနေနဲ့ သဘာဝပတ်ဝန်းကျင်ထိခိုက်မှုတွေနည်းအောင် စီမံဆောင်ရွက်ထားတယ်လို့လည်း ဆိုပါတယ်။

တာချီလိတ်မြို့နယ်အတွင်းမှာ သတ္တုထုတ်လုပ်တဲ့ကုမ္ပဏီ (၄၀) ကျော်ရှိနေပြီး အမှတ်(၁)နဲ့ အမှတ်(၂) အသင်းအဖွဲ့ခွဲခြားဖွဲ့စည်းထားပြီး အများစုက ရွှေနဲ့ မဂ္ဂနိဒိုင်အောက်ဆိုက်တွေ တူးဖော်နေတာဖြစ်ပါတယ်။