ကယားပြည်နယ် လွိုင်ကော်မြို့နယ်တွင် ပါတီ(၃)ခုက မဲဆွယ်စည်းရုံးရေး စတင်

၂၀၂၀ ခုနှစ်၊ ပါတီစုံ ဒီမိုကရေစီအထွေထွေရွေးကောက်ပွဲအတွက် နိုင်ငံရေးပါတီများ မဲဆွယ်စည်းရုံးရေး စတင်ခွင့်ပြုလိုက်သည့် ၂၀၂၀ ခုနှစ်၊ စက်တင်ဘာလ (၈) ရက်နေ့၌ ကယားပြည်နယ်၊ လွိုင်ကော်မြို့တွင် နိုင်ငံရေးပါတီ (၃) ခုက မဲဆွယ်စည်းရုံးရေး စတင်လှုပ်ရှားနေသည်ကို တွေ့ရသည်။

လွိုင်ကော်မြို့တွင်း၌  ကယားပြည်နယ် ဒီမိုကရက်တစ်ပါတီ၊ အမျိုးသားဒီမိုကရေစီအဖွဲ့ချုပ်ပါတီ (NLD)နှင့် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (USDP) ပါတီတို့၏ အောင်နိုင်ရေးအလံများ လွှင့်ထူခြင်း၊ မော်တော်ယာဉ်အချို့တွင်  NLD ပါတီ စတစ်ကာများ ကပ်ထားခြင်းနှင့် USDP ပါတီက ပါတီဆိုင်းဘုတ်ထောင်ခြင်းများ ပြုလုပ်သည်ကို တွေ့ရသည်။