ရှမ်းပြည်နယ် (အရှေ့ပိုင်း) တာချီလိတ်မြို့အခြေစိုက် GTB (Groden Triangle Broadband Co.,Ltd ) က တစ်ဦးတည်း ကိုယ်စားလှယ်ရယူထားသည့် လုံခြုံရေးပစ္စည်းများ၏ ထိပ်တန်းအမှတ်တံဆိပ်တစ်ခုဖြစ်သည့် HIK Vision CCTV နှင့် လုံခြုံရေးပစ္စည်းများ လက်လီ၊ လက်ကားဖြန့်ချိမည့် အရောင်းပြခန်းကို ၂၀၁၉ ခုနှစ်၊ ဒီဇင်ဘာလ (၂၈) နံနက်ပိုင်းက စတင်ဖွင့်လှစ်သည်။
HIK Vision CCTV နှင့် လုံခြုံရေးပစ္စည်းများ အရောင်းပြခန်းဖွင့်လှစ်ခြင်း အထိမ်းအမှတ်အဖြစ် ၂၀၂၀ ခုနှစ်၊ ဇန်နဝါရီလကုန်အထိ (၂၀)ရာခိုင်နှုန်းအထိ လျှော့ဈေးများဖြင့် ရောင်းချပေးသွားမည်ဖြစ်ပြီး နေအိမ်၊ ရုံးခန်း၊ လုပ်ငန်းခွင်နှင့် လမ်းလုံခြုံရေးတို့အတွက် သင့်လျော်သည့် CCTV များကို ဈေးနှုန်းသက်သာစွာဖြင့် တပ်ဆင်လိုသူများအနေဖြင့် အရောင်းပြခန်းသို့ လာရောက်လေ့လာ ဆွေးနွေးနိုင်ကြမည်ဖြစ်သည်။
CCTV အပါအဝင် လုံခြုံရေးပစ္စည်းများ အရောင်းပြခန်းကို တာချီလိတ်မြို့၊ ဝိန်းကျောက်ရပ်ကွက်အတွင်းရှိ ဗိုလ်ချုပ်လမ်းမကြီးပေါ်ရှိ ချစ်ကြည်ရေးဆီပန့်နှင့်မျက်နှာချင်းဆိုင်ရှိ တိုက်တန်း အခန်းအမှတ် (၂)တွင် ဖွင့်လှစ်ထားခြင်းဖြစ်သည်။
