~~~~~~~~⊰❂ Unicode Version ❂⊱~~~~~~~~

လားရှိုးမြို့ပြင်တွင် ပစ်ခတ်မှုများဖြစ်နေ၍ ဆီဆိုင်မီးလောင်မှုကူညီရန်သွားသည့် မီးသတ်ယာဉ်နှင့် လူမှုကူညီရေးအသင်းကားများ နောက်ပြန်လှည့်လာရ
**************
ရှမ်းပြည်နယ်(မြောက်ပိုင်း) လားရှိုးမြို့ လားရှိုး - သိန်းနီ ပြည်ထောင်စုလမ်း ဟိုပိတ်ကျေးရွာအနီး (၁၂)  မိုင်ရဲကင်းအနီးတွင် ၂၀၁၉ ခုနှစ်၊ သြဂုတ်လ (၁၇)ရက်နေ့ နံနက်ပိုင်းက ပစ်ခတ်မှုကြောင့် မီးလောင်သည့် ဆီဆိုင်အား ငြိှမ်းသတ်ရန်သွားသည့် မီးသတ်ကားနှင့် လူမှုကူညီရေးအသင်းကားများ ပစ်ခတ်မှုကြောင့် နောက်ပြန်လှည့်လာရသည်။

မီးလောင်မှုဖြစ်ပွားရာသို့ မီးငြိှမ်းသတ်ရန်သွားသည့် မီးသတ်ယာဉ်နှင့် လူမှုကူညီရေးအသင်းယာဉ်များမှာ လားရှိုးနည်းပညာတက္ကသိုလ်အနီးမှ ရှေ့ဆက်သွား၍မရသဖြင့် နံနက် (၁၀)နာရီကတည်းက စောင့်ဆိုင်းနေရာမှ အသင်းကားများရှိရာဘက်သို့ ပစ်ခတ်လာသဖြင့် နောက်ပြန်လှည့်လာရကြောင်း သိရသည်။

TNLA၊ AA နှင့် MNDAA အဖွဲ့များက သြဂုတ်လ (၁၅)ရက်နေ့တွင် မန္တလေးတိုင်းဒေသကြီး ပြင်ဦးလွင်နှင့် ရှမ်းပြည်နယ်မြောက်ပိုင်း ပြည်ထောင်စုလမ်းမကြီးတစ်လျှောက်တွင် တိုက်ခိုက်မှုများပြုလုပ်ခဲ့ပြီးနောက် သြဂုတ်လ (၁၆)ရက်နေ့ညပိုင်းက ကျောက်မဲမြို့အဝင်နှင့် သြဂုတ်လ (၁၇) ရက်နေ့ နံနက်ပိုင်းတွင် လားရှိုး - မူဆယ်လမ်းပိုင်းရှိ ကွတ်ခိုင်မြို့အနီးနှင့် လားရှိုး - ချင်းရွှေဟော်လမ်းပိုင်းတစ်လျှောက် တိုက်ပွဲများ ဆက်တိုက်ဖြစ်ပွားနေခြင်းဖြစ်သည်။

သတင်း၊ဓါတ်ပုံ #နေဖြိုးမြင့်