ချစ်သူများနေ့တွင် ထိုင်းနိုင်ငံ ချူလာလောင်ကွန်းတက္ကသိုလ်အနီး သေနတ်အချက်ပေါင်း (၄၀) ပစ်ခတ်မှုဖြစ်ပွား
ထိုင်းနိုင်ငံ၊ ဘန်ကောက်မြို့ ချူလာလောင်ကွန်းတက္ကသိုလ်အနီးတွင် ၂၀၂၀ ခုနှစ်၊ ဖေဖေါ်ဝါရီလ (၁၄)ရက်နေ့ နံနက်ပိုင်းက သေနတ်အချက်ပေါင်း (၄၀) ဝန်းကျင် ပစ်ခတ်ခဲ့သည့် သေနတ်သမားကို ရဲတပ်ဖွဲ့က ဖမ်းဆီးရမိလိုက်ပြီဖြစ်ကြောင်း သိရသည်။
ပတ္တူဝမ်ဧရိယာရှိ ချူလာလမ်း(၁၀) တွင် နံနက်ပိုင်းက အမျိုးသားတစ်ဦးက သေနတ်မိုးပေါ်ထောင်ကာ ပစ်နေ၍ အများပြည်သူ အထိတ်တလန့်ဖြစ်ခဲ့ရပြီး ပုန်းအောင်းနေသည့် သေနတ်သမားကို ရဲတပ်ဖွဲ့က ရှာဖွေဖမ်းဆီးခဲ့ခြင်းဖြစ်သည်။
ထိုင်းနိုင်ငံ၊ နခွန်ရတ်ချစီမာခရိုင်တွင် ဖေဖေါ်ဝါရီလ (၈)ရက်နေ့က လူပေါင်း (၃၀) သေဆုံးပြီး (၅၈)ဦး ဒဏ်ရာရခဲ့သည့် ပစ်ခတ်မှုဖြစ်ပွားပြီးနောက် ဘန်ကောက်တွင် သေနတ်ကိုင်၍ လမ်းပေါ်ထွက်လာသူတစ်ဦးကို ထပ်မံကြုံတွေ့လာရခြင်းဖြစ်သည်။
သေနတ်သမားမှာ အသက် (၄၄)နှစ်အရွယ် အိုက်ချိုင်ချရူဆစ် ဆိုသူဖြစ်ပြီး မိသားစုနှင့် စကားများရန်ဖြစ်ကာ နေအိမ်မှ သေနတ်ယူဆောင်၍ ထွက်သွားခြင်းဖြစ်သည်ဟု သိရသည်။
Soruce: Bangkok Post
photo: Royal Thai Police
