ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်တွင်းရှိ AKK City Mart ဆိုင်အတွင်းမှ နို့မှုန့်ဘူး နှင့် ငှက်သိုက်ဘူးများ ပျောက်ဆုံးနေမှုများနှင့် ပတ်သက်၍ ကျူးလွန်သူအား ဖမ်းဆီးရမိကြောင်း ရန်ကုန်တိုင်းရဲတပ်ဖွဲ့က အောက်တိုဘာလ(၉)ရက်နေ့တွင် သတင်းထုတ်ပြန်ထားရှိသည်။

သင်္ဃန်းကျွန်းမြို့နယ် လေးထောင့်ကန်လမ်းမကြီးပေါ်ရှိ AKK City Mart အတွင်းမှ ၂၀၁၉ခုနှစ် သြဂုတ်လ(၁၂)ရက်နေ့ ည(၇)နာရီ (၄၅)မိနစ်ဝန်းကျင်အချိန်က စုစုပေါင်း တန်ဖိုးငွေ ကျပ်(၃၁၈၀၀၀)ကျပ် တန်ဖိုးရှိ Ensure နို့မှုန့်ဘူး နှင့် Brand ငှက်သိုက်ဘူးများ ပျောက်ဆုံးမှုနှင့် ပတ်သက်၍ သင်္ဃန်းကျွန်းမြို့မရဲစခန်းတွင် အမှုဖွင့်ထားရှိရာမှ ကျူးလွန်သူအား (၂)လအကြာတွင် ဖမ်းဆီးရမိခြင်း ဖြစ်ကြောင်း သတင်းထုတ်ပြန်ထားခြင်း ဖြစ်သည်။

ရန်ကုန်တိုင်းဒေသကြီးရဲတပ်ဖွဲ့မှူးရုံးမှ အဆိုပါ ဖြစ်စဉ်နှင့် ပတ်သက်၍ အမြန်ဆုံး ဖမ်းဆီးရမိရန် ညွှန်ကြားချက်အရ သင်္ဃန်းကျွန်းမြို့မရဲစခန်းမှ တပ်ဖွဲ့ဝင်များက အသေးစိတ်စုံစမ်း ဖော်ထုတ်ရာက ပြစ်မှုကျူးလွန်သူမှာ သန်လျင်မြို့၊ အမှုထမ်းရပ်ကွက်တွင် နေထိုင်သူ အောင်ကျော်သိန်း ဖြစ်ကြောင်း သိရှိရ၍ သက်သေခံပစ္စည်းများအား သိမ်းဆည်းကာ ပြစ်မှုကျူးလွန်သူအား ဥပဒေအရ အမြန်ဆုံး တရားစွဲတင်ပို့နိုင်ရန် ဆောင်ရွက်နေလျက်ရှိကြောင်း သိရှိရသည်။

Tachileik News Agency
ဓာတ်ပုံ - ရန်ကုန်တိုင်းရဲတပ်ဖွဲ့

~~~~~~~~⊰❂ Zawgyi Version ❂⊱~~~~~~~~