~~~~~~~~⊰❂ Zawgyi Version ❂⊱~~~~~~~~

ကယားပြည်နယ်၊ ဒီးမော့ဆိုမြို့တွင် ၂၀၁၉ ခုနှစ်၊ အောက်တိုဘာလ (၇) ရက်နေ့  ည (၈)နာရီခွဲဝန်းကျင်က  ဒီးမော့ဆို - တောင်ငူလမ်း၌ မူးယစ်သတင်းအရ ပိတ်ဆို့စစ်ဆေးရာမှ စိတ်ကြွရူးသွပ်ဆေးပြား တစ်ထောင်ပြား သယ်လာသည့် အမျိုးသားနှစ်ဦးကို ဖမ်းမိကြောင်း သိရသည်။

ဒီးမော့ဆို - တောင်ငူလမ်း လိုပူကျေးရွာလမ်းဆုံတွင် စောင့်ဆိုင်းနေစဉ် ဆိုင်ကယ်တစ်စီး စီးနင်းလာသည့် ဘော်ရယ်နှင့်  လူရယ်တို့အား စစ်ဆေးရာ လူရယ် ဝတ်ဆင်ထားသော အင်္ကျီအတွင်းမှ စိတ်ကြွဆေးပြား (၁၀၀၀) ပြားအား ဖမ်းဆီးရမိခြင်းဖြစ်ကြောင်း သိရသည်။

မူးယစ်ဆေးများနှင့်အတူ ဖမ်းမိသည့် လူရယ်နှင့် ဘော်ရယ်တို့နှစ်ဦးအား ဒီးမော့ဆိုမြို့မရဲစခန်းတွင် မယ(ပ)၁၈/၂၀၁၉ ၊ မူး/စိတ်ပုဒ်မ - ၁၉(က)/ ၂၁ ဖြင့် အမှုဖွင့်စစ်ဆေးနေသည်ဟု သိရသည်။

Tachileik News Agency
သတင်း  - ဆန်းဖြိုးထွန်း