မြန်မာ - ထိုင်းနယ်စပ် တာချီလိတ်မြို့တွင် အိုက်စ် (၉၅၀) ဂရမ်သယ်လာသည့် အမျိုးသားတစ်ဦးကို ၂၀၂၀ ခုနှစ်၊ သြဂုတ်လ (၁၀)ရက်နေ့ နေ့လယ် (၁)နာရီက ဖမ်းဆီးရမိကြောင်း သိရသည်။
တာချီလိတ်မြို့၊ ဝိန်းကျောက်ရပ်ကွက်၊ အာခါဈေးလမ်းနှင့် လပ်ကီးဟိုတယ်သွားသည့် လမ်းဆုံတွင် ဆိုင်ကယ်မောင်းနှင်လာသည့် အမျိုးသား(၁)ဦးအား မူးယစ်တပ်ဖွဲ့စု(၃၀)တာချီလိတ်မှ တပ်ဖွဲ့ဝင်များ ပါဝင်သည့် ပူးပေါင်းအဖွဲ့က စစ်ဆေးရာ ဆိုင်ကယ်လက်ကိုင်တွင် ချိတ်ဆွဲလာသည့် လက်ဆွဲအိတ်အတွင်းမှ အိုက်စ် အလေးချိန် (၉၅၀)ဂရမ်ခန့်ကို တွေ့ရှိ သိမ်းမိခြင်းဖြစ်ကြောင်း သိရသည်။
မူးယစ်ဆေးဝါးများနှင့်အတူ ဖမ်းမိသည့် စိုင်းလုံခမ်းကို တာချီလိတ်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသော ဆေးဝါးများဆိုင်ရာဥပဒေဖြင့် အမှုဖွင့်ထားကြောင်း သိရသည်။
Tachileik News Agency