~~~~~~~~⊰❂ Unicode Version ❂⊱~~~~~~~~

သတ္တုရှာဖွေရေးကုမ္ပဏီဝင်းအတွင်းမှ ဖမ်းမိသည့် တရုတ်နိုင်ငံသား အမျိုးသား (၄)ဦးဖြစ်သည့် CHEN VUEJIN၊ LTU NAILONG၊ LIU TIANAI နှင့် JIN XIGANG၊ အမျိုးသမီး(၁)ဦးဖြစ်သည့် JIM JIE RONG တို့အား တပ်မတော်စစ်ကြောင်းက ကျိုင်းလပ်မြို့ လူဝင်မှုကြီးကြပ်ရေးဦးစီးဌာန တာဝန်ရှိသူများထံ လွှဲပြောင်းပေးအပ်ထားပြီး လဝကဥပဒဖြေင့် အရေးယူနိုင်ရန် ဆောင်ရွက်နေကြောင်းသိရသည်။

တာချီလိတ်မြို့အဝင် စစ်ဆေးရေးဂိတ်တွင် နယ်မြေခံတပ်နှင့် သက်ဆိုင်ရာရဲတပ်ဖွဲ့ဝင်များပါဝင်သည့် ပူးပေါင်းအဖွဲ့က ၂၀၁၉ ခုနှစ်၊ ဇွန်လ (၂၂)ရက်နေ့ ည(၆)နာရီဝန်းကျင်တွင် မိုင်းလင်းမှ တာချီလိတ်မြို့တွင်းသို့ ကျည်မျိုးစုံ (၆၃၈)တောင့်သယ်လာသည့် ထိုင်းနိုင်ငံသားကို ဖမ်းမိပြီးနောက် အဆိုပါခဲယမ်းများ၏ ပိုင်ရှင်ဖြစ်သည့် ညီညီနိုင်(ခ)ပီနိုင်နေထိုင်သည့် ဆေခမ်းရပ်ကွက်၊ ဗိုလ်ချုပ်လမ်းရှိနေအိမ်ကို ဇွန်လ (၂၃)ရက်နေ့ နံနက်(၁)နာရီမထိုးမီက မူးယစ်တပ်ဖွဲ့စု(၃၀)တာချီလိတ်နှင့် သက်ဆိုင်ရာရဲတပ်ဖွဲ့ဝင်များပါသည့် ပူးပေါင်းအဖွဲ့ဖြင့် ဝင်ရောက် ရှာဖွေခဲ့ခြင်းဖြစ်သည်။

ညီညီနိုင်(ခ)ပီနိုင်၏နေအိမ်တွင် အိမ်စောင့်အမျိုးသားနှစ်ဦးဖြစ်သည့် စိုင်းဆိုင်မိုင်းနှင့် အိုက်ဝမ်းတို့နှင့်အတူ စိတ်ကြွဆေးပြား (၁၄၀၀)ပြား၊ ဘိန်းဖြူ (၆၆၀)ဂရမ်၊ အိုက်စ်(၂၇၅)ဂရမ်ခန့်၊ ကဖင်း (၄၇၃)ဂရမ်ခန့်၊ စနိုက်ပါအပါအဝင် သေနတ်မျိုးစုံ (၁၅)လက်၊ ကျည်မျိုးစုံ(၁၃၆၀)တောင့်၊ ကျည်ဘောက်နှင့် ကျည်အိမ်မျိုးစုံ (၃၄)ခု၊ ရွှေရည်စိမ်နှင့် ငွေထည်လက်ဝတ်ရတနာများ၊ ကျောက်အရိုင်းရောရာမျိုးစုံ၊ ရွှေနှင့်ကျောက်ရောရာ ရွှေထည်အလေးချိန်စုစုပေါင်း (၈၅၈.၆)ဂရမ်ခန့်၊ စိုင်းညီညီနိုင်အမည်ဖြင့် ဟိုမိန်းပြည်သူ့စစ်ဌာနအဖွဲ့၏ ကဒ်တစ်ခု၊ ဒေါ်နန်းရှီးဖောင်းအမည်ဖြင့် ဘဏ်ငွေစုစာအုပ်၊ Crown အမျိုးအစား ခဲရောင်မော်တော်ယာဉ် (၁)စီး၊ Canda အမျိုးအစား အနက်ရောင်ဆိုင်ကယ် (၁)စီး၊ Honda Wave 110 အမျိုးအစား ဖြူပြာရောင်ဆိုင်ကယ်(၁)စီးနှင့် Hummer H2 အမျိုးအစား အဖြူရောင်မော်တော်ယာဉ် (၁)စီး၊ ကျွန်းသစ်ခွဲသား (၉)တန်ကျော်တို့ကို ဖမ်းမိထားခြင်းဖြစ်သည်။

ယင်းနောက် ညီညီနိုင်(ခ)ပီနိုင်၏ နိုင်ရတနာရွှတြေိဂံကုမ္ပဏီလီမိတက် တည်ရှိရာ တာချီလိတ်မြို့နယ်၊ မိုင်းလင်း(အရှေ့)ကျေးရွာအုပ်စု၊ မိုင်းလင်းဘုန်းကြီးကျောင်းသွားလမ်းဘေးရှိ ခြံဝန်းအတွင်း ဇွန်လ (၂၃)ရက်နေ့ နေ့လယ်ပိုင်းက မူးယစ်တပ်ဖွဲ့စု(၃၀)တာချီလိတ်နှင့်သက်ဆိုင်ရာရဲတပ်ဖွဲ့ဝင်များ ပါဝင်သည့် ပူးပေါင်းအဖွဲ့ဖြင့် ဝင်ရောက်စစ်ဆေးရာ စိတ်ကြွဆေးပြားထုတ်လုပ်သည့်စက် (၁)လုံးနှင့် ဆက်စပ်ပစ္စည်းများ၊ RPJ အပါအဝင် သေနတ်မျိုးစုံ ( ၂)လက်၊ ကျည်မျိုးစုံ (၁၃၀)တောင့်နှင့် ကျည်ဘောက်မျိုးစုံ (၂)ခု၊ ဘက်ဟိုးယာဉ်(၁)စီး၊ CIUGONG လုတ်တာယာဉ် (၁)စီး၊ (၁၂)ဘီးယာဉ် (၁)စီး၊ (၆)ဘီးယာဉ် (၁)စီးနှင့် YAMAHA 250 R အမျိုးအစား ခဲ/ပြာရောင် ဆိုင်ကယ်(၁)စီးတို့ကို သိမ်းဆည်းရမိခဲ့ပြီး လူတစ်ဦးတစ်ယောက်မှ ဖမ်းမိရရှိခဲ့ခြင်း မရှိကြောင်း သိရသည်။

မူးယစ်တပ်ဖွဲ့စု(၃၀)တာချီလိတ်နှင့် သက်ဆိုင်ရာရဲတပ်ဖွဲ့ဝင်များပါဝင်သည့် ပူးပေါင်းအဖွဲ့က ဇွန်လ (၂၃)ရက်နေ့တွင် မိုင်းဖုန်း(ခ)ကျေးရွာအုပ်စု ဝှေလေလန်ကျေးရွာရှိ ညီညီနိုင်(ခ)ပီနိုင်၏ ဇနီးဖြစ်သူနေအိမ်အား ဝင်ရောက်ရှာဖွေရာ မှန်ပြောင်းပါသေနတ်ရှည် (၁)လက်၊ကျည်အိမ်(၁)ခုနှင့် .22 ကျည် (၅၄)တောင့်၊ ဘောစိထည့်၍ပစ်ရသည့် ဂက်စ်သေနတ်(၁)လက်နှင့်၎င်းကျည်အိမ်(၁)ခုတို့ကို သိမ်းဆည်းရမိခဲ့ခြင်းဖြစ်ကြောင်း သိရသည်။

အဆိုပါ မူးယစ်ဆေး၊ လက်နက်ခဲယမ်းများဖမ်းဆီးရမိမှုမှ လွတ်မြောက်နေသည့် ညီညီနိုင်(ခ)ပီနိုင်နှင့် လက်ရှိဖမ်းမိထားသည့် စိုင်းဆိုင်မိုင်း(ခ) ကိုဇော်နှင့် စိုင်းဝမ်း(ခ)အိုက်ဝမ်း၊ ထိုင်းနိုင်ငံသား အနုချိုင်းကာတဲနှင့် တရုတ်နိုင်ငံသား (၅)ဦးတို့ကို သက်ဆိုင်ရာဥပဒေများဖြင့် အသီးသီးအရေးယူခြင်းကို လုပ်ဆောင်နှေဆဲဖြစ်ကြောင်း သိရသည်။

Tachileik News Agency