တနင်္သာရီတိုင်း၊ တနင်္သာရီမြို့နယ် သိန္ဒောစခန်းမှ စစ်ကောင်စီတပ် သားတစ်ဦး မြိတ်ခရိုင်ပြည်သူ့ကာကွယ်ရေးပူးပေါင်းစစ်ကြောင်း (၁)ထံ လက်နက်ခဲယမ်းများနှင့်အတူ အလင်းဝင်လာကြောင်း သိရသည်။

တနင်္သာရီမြို့နယ် သိန္ဒောရွာစခန်းမှ စစ်ကောင်စီတပ်သားသည် ၂၀၂၄ခုနှစ် မတ်လ(၂၅)ရက်နေ့က MA1 တစ်လက်၊ ကျည်ဘောက်(၄)ခု၊ကျည်(၅၄၀)တောင့်၊ လက်ပစ်ဗုံး(၂)လုံး၊ အီနာဂါ(၂)လုံးဖြင့် အလင်းဝင်လာခြင်း ဖြစ်သည်။ 

လက်ရှိတွင် ၎င်းကို လုံခြုံသည့်နေရာ၌ ကောင်းမွန်စွာထားရှိပြီး နိုင်ငံ့ဝန်ထမ်း(CDM) မူဝါဒနှင့်အညီ ဆက်လက်လုပ်ဆောင်သွားမည်ဟု သိရသည်။

မြိတ်ခရိုင်ပြည်သူ့ကာကွယ်ရေးပူးပေါင်းစစ်‌ကြောင်း(၁)သည် မြိတ်ခရိုင်တပ်ရင်း(၂)၊ တပ်ခွဲ(၁)၊ ဘက်မလိုက်ပြောက်ကျားအဖွဲ့၊ တောင်ပိုင်းသူရဲကောင်းအဖွဲ့(SWDF)နှင့် မြိတ်မြို့နယ် (ပကဖ) တို့ပါဝင်ကြောင်း သိရသည်။