စစ်ကိုင်းတိုင်း ကနီမြို့နယ် ရဲစခန်းအတွင်း တပ်စွဲထားသော စစ်ကောင်စီ တပ်သားတစ်ဦး လက်နက်အပြည့်အစုံဖြင့် ယမန်နေ့ ၂၀၂၃ ခုနှစ် ဒီဇင်ဘာလ (၆)ရက်နေ့တွင် အလင်းဝင်လာကြောင်း KLG PDFထံမှ သိရသည်။

ကနီမြို့ရဲစခန်းထဲတွင် တာဝန်ကျနေသော ကလေးမြို့ ခ.လ.ရ (၈၇)မှ တပ်သား ဖိုးလပြည့်သည် ပြည်သူ့ရင်ခွင်ခိုလှုံလိုသဖြင့်  KLG PDF - ကျောက်လုံးကြီးထံ ဆက်သွယ်ခဲ့ကြောင်း သိရသည်။

ထို့နောက် ဒီဇင်ဘာလ(၅)ရက်နေ့ ညနေ(၄)နာရီခန့်တွင် စခန်းမှထွက်ခွာရန်ကြိုးစားစဉ် အခက်အခဲတချို့ကြောင့် ကနီမြို့နယ် ရဲစခန်းတွင်း အချင်းချင်းပစ်ခတ်မှုများဖြစ်ပွားကာ လွတ်မြောက်လာခဲ့ခြင်းဖြစ်သည်ဟု သိရသည်။

၎င်းကို စစ်ကောင်စီတပ်သားများမှ လိုက်လံရှာဖွေသဖြင့် တော်လှန်ရေးတပ်သားများနှင့် ချက်ချင်းမဆုံနိုင်ဘဲ ဒီဇင်ဘာလ(၆)ရက်နေ့ ညပိုင်းမှ တော်လှန်ရေးဘက်တော်သားများထံ ရောက်ရှိလာခဲ့ခြင်းဖြစ်သည်ဟု သိရသည်။

တပ်သားဖိုးလပြည့်သည် MA-2 (၁) လက်၊ ကျည်ဘောက် (၅)ခု၊ ကျည် (၁၄၀)တောင့်တို့ဖြင့် အလင်းဝင်လာခဲ့ခြင်းဖြစ်ပြီး ယင်းမာပင်ခရိုင် တပ်ရင်း (၂၁၊ ၂၂၊ ၂၃) (KLG PDF-ကျောက်လုံးကြီး) မှ ဆုချီးမြှင့်ရန် စီစဉ်ထားကြောင်း သိရသည်။

#TachileikNewsAgency