နေပြည်တော်နှင့် မကွေးတိုင်းအစပ်တွင် စစ်ကောင်စီတပ်နှင့် ဒေသကာကွယ်ရေးတပ်တို့ ယနေ့ ၂၀၂၃ခုနှစ် ဩဂုတ်လ (၂၀)ရက်နေ့ နေ့လယ်ပိုင်းက တိုက်ပွဲဖြစ်ပွားခဲ့ပြီး စစ်ကောင်စီတပ်၏ ခဲယမ်းတချို့ကို သိမ်းဆည်းရရှိခဲ့သည်ဟု အဖိနှိပ်ခံပြည်သူ့တော်လှန်ရေးအင်အားစုထံမှ သိရသည်။

နေပြည်တော် တပ်ကုန်းမြို့နယ်၊ ရွှေမကျီးကျေးရွာနှင့် မကွေးတိုင်းဒေသကြီး၊ မြို့သစ်မြို့နယ်၊ ရိုးကူးကျေးရွာအကြားတွင် စစ်ကောင်စီတပ်ဖွဲ့နှင့် OPRF- PLA အဖိနှိပ်ခံ ပြည်သူ့တော်လှန်ရေးအင်အားစုတို့  နာရီဝက်ကြာ တိုက်ပွဲဖြစ်ပွားခဲ့ပြီး စစ်ကောင်စီတပ်ဘက်က ထိခိုက်သေဆုံးသူရှိသည်ဟု ဆိုသည်။

ထို့နောက် စစ်ကောင်စီတပ်ဖွဲ့စီးနင်းလာသည့် ဆိုင်ကယ်(၃)စီးအပြင် စစ်ကောင်စီတပ်အသုံးပြုသည့် (၅.၅၆)ကျည် (၂၅)တောင့်နှင့် (၅.၅၆)ကျည်သုံး ကျည်ဘောက်တစ်ခုကို တော်လှန်ရေးတပ်ဖွဲ့ဘက်က သိမ်းဆည်းရရှိခဲ့သည်ဟု သိရသည်။

#TachileikNewsAgency

Photo : အဖိနှိပ်ခံပြည်သူ့တော်လှန်ရေးအင်အားစု