ရှမ်းပြည်နယ်(မြောက်ပိုင်း) လားရှိုးမြို့၊ မြို့မဈေးရှိ ဇွဲထက်ရွှေဆိုင်တွင် ယနေ့ နံနက်ပိုင်း ပေါက်ကွဲမှုအတွင်း (၁၂)ဦး ဒဏ်ရာရရှိသည့်အနက် (၂)ဦးမှာ ဒဏ်ရာပြင်းထန်ကြောင်း သိရသည်။



ဇွဲထက်ရွှေဆိုင်တွင် ၂၀၂၃ ခုနှစ် ဇူလိုင်လ (၁၅)ရက်နေ့ နံနက် (၇)နာရီ (၄၅)မိနစ်အချိန်၌ မိုင်းပေါက်ကွဲမှုဖြစ်ပွားခဲ့ပြီး အမျိုးသမီး (၆)ဦးနှင့် အမျိုးသား (၆)ဦး ထိခိုက်ဒဏ်ရာရသွားခြင်းဖြစ်ကြောင်း သိရသည်။



" ကျား ၂ ဦးကတော့ ဒဏ်ရာပြင်းထန်တယ်။ ဒဏ်ရာရသူတွေကို လူမှုကူညီရေးအသင်းတွေက ဆေးရုံပို့ပေးနေကြတယ်"ဟု ဒေသခံတစ်ဦးက Tachileik News Agency သို့ ပြောသည်။



အဆိုပါ ပေါက်ကွဲမှုကြောင့် မြို့မဈေးမှ ဆိုင်ခန်းအများစု ပိတ်လိုက်ကြသော်လည်း မြို့မဈေးကို ဆက်လက်ဖွင့်လှစ်ထားကြောင်း သိရသည်။



ပေါက်ကွဲမှုဖြစ်ပွားရသည့်အကြောင်းရင်းကို မသိရသေးပါ။