ကရင်နီ(ကယား)ပြည်နယ်အတွင်း ဖားဆောင်းမြို့နယ်၊ မော်ချီးဒေသတွင် မိုးရွာသွန်းမှုကြောင့် မြေပြိုမှုများ ဖြစ်ပေါပြီး လမ်းနှင့်နေအိမ်များ ထိခိုက် ပျက်စီးဆုံးရှုံးခဲ့ရကြောင်း သိရသည်။

မိုးအဆက်မပြတ်ရွာသွန်းမှုကြောင့် ၂၀၂၂ခုနှစ် ဩဂုတ်လ(၂၃)ရက်နေ့သို့ အကူးပိုင်းအချိန်က မြေပြိုကျမှု ဖြစ်ပွားခြင်းဖြစ်သည်။

အဆိုပါ ဖြစ်စဉ်ကြောင့် လူထိခိုက်မှု မရှိသော်လည်း လမ်းနှင့်နေအိမ်များ ပျက်စီးခဲ့ရသည်ဟု ဒေသခံများထံက သိရသည်။

မိုးရာသီကာလများတွင် မော်ချီးဒေသအတွင်း၌ ယခုလို မြေသားနံရံပြိုမှုများ မကြာခဏ ဖြစ်ပွားလေ့ရှိသည်။

#TachileikNewsAgency

Photo: Kaka Benjiro