တာချီလိတ်မြို့တွင် Mask မတပ်ဘဲ အပြင်သွားလာသူ (၂၈၅)ဦးကို ကျပ်ငွေ(၂၀၀)စီ ဒဏ်ရိုက် 

မြန်မာ - ထိုင်းနယ်စပ်ဒေသ တာချီလိတ်မြို့မှာ Covid-19 ကာကွယ်ရေးနဲ့ပတ်သက်ပြီး သတ်မှတ်ချက်လိုက်နာမှု အားနည်းနေတဲ့ အတွက် အပြင်ထွက်သွားလာသူများ အနေနဲ့ နှာခေါင်းစည်း မတပ်ဘဲ သွားလာနေရင် ကျပ်(၂၀၀) ဒဏ်ငွေသတ်မှတ်တဲ့အပြင် mask ဝယ်ပြီး တပ်ဆင်သွားရမဲ့ အစီအစဉ်ကို ၂၀၂၀ခုနှစ် အောက်တိုဘာလ (၁၀)ရက်နေ့က စပြီး လုပ်ဆောင်တဲ့အခါမှာ ညနေ(၅)နာရီအချိန်အထိ နှာခေါင်းစည်း မတပ်သူ (၂၈၅)ဦး စစ်ဆေးတွေ့ရှိကြောင်း တာချီလိတ်မြို့နယ်အုပ်ချုပ်ရေးမှူးက ပြောပါတယ်။

အခုလို စစ်ဆေးတဲ့နေရာတွေမှာလည်း ဒေသတွင်းက စေတနာရှင်များအနေနဲ့ ကိုယ်တိုင်ကိုယ်ကျ နှာခေါင်းစည်းများ ပေးဝေမယ်ဆိုရင်လည်း လာရောက်ပေးဝေနိင်တယ်လို့ သိရပါတယ်