အောက်တိုဘာလ(၆)ရက်နေ့တွင် နိုင်ငံအတွင်း Covid-19 အတည်ပြုလူနာ (၁,၂၅၂)ဦးထပ်တိုး
နိုင်ငံအတွင်းမှ ၂၀၂၀ခုနှစ် အောက်တိုဘာလ(၆)ရက်နေ့အတွက် ဓါတ်ခွဲနမူနာများကို စစ်ဆေးရာက Covid-19 အတည်ပြုလူနာ (၁,၂၅၂)ဦး ထပ်တိုးကြောင်း ကျန်းမာရေးနှင့်အားကစားဝန်ကြီးဌာနက ည(၈)နာရီက သတင်းထုတ်ပြန်လိုက်သည်။
အဆိုပါ သတင်းထုတ်ပြန်ချက်တွင် သေဆုံးသူ (၂၇)ဦးထပ်တိုး၍ သေဆုံးသူ စုစုပေါင်း(၄၇၁)ဦးအထိ ရှိနေပြီး သက်သာပျောက်ကင်းသူ (၅,၇၈၂)ဦးရှိလာ၍ လက်ရှိတွင် ဆေးရုံအသီးသီး နှင့် ကုသစောင့်ရှောက်ရေးစင်တာများတွင် ကုသမှုခံယူနေသူ (၁၃,၇၈၀)ဦး ကျန်ရှိနေကြောင်း သိရသည်။
အောက်တိုဘာလ(၆)ရက်နေ့တွင် ဓါတ်ခွဲနမူနာပေါင်း (၁၀,၀၇၄)ကို စစ်ဆေးရာက အတည်ပြုလူနာ (၁,၂၅၂)ဦး ထပ်တိုးလာခြင်း ဖြစ်သည်။
