မသန်စွမ်း မဲဆန္ဒရှင်များကိုယ်တိုင် မဲပေးနိုင်ရန် စီစဉ်ပေးထား

ရှမ်းပြည်နယ် မြောက်ပိုင်း ကျောက်မဲခရိုင်ထဲမှာရှိတဲ့ မသန်စွမ်းတွေ ကိုယ်တိုင်မဲပေးနိုင်ဖို့အတွက် မဲရုံတွေမှာစီစဉ်ပေးထားတယ်လို့ ကျောက်မဲခရိုင်ရွေးကောက်ပွဲကော်မရှင်အဖွဲ့ခွဲရဲ့ ဥက္ကဌ ဦးထွန်းဝင်းက ပြောပါတယ်။

၂၀၂၀ ခုနှစ် နိုဝင်ဘာလ (၈) ရက်နေ့မှာကျင်းပပြုလုပ်မယ့် ပါတီစုံဒီမိုကရေစီအထွေထွေရွေးကောက်ပွဲမှာ မသန်စွမ်းမဲဆန္ဒရှင်တွေ မဲပေးဖို့အတွက် မိသားစုဝင်တစ်ဦးသီးက မဲရုံထဲအတွင်း မဲပေးနိုင်ဖို့အတွက် လိုက်လံကူညီခွင့် ရရှိမှာဖြစ်ပါတယ်။