ခိုမုန်းကျေးရွာနယ်နိမိတ်အတွင်း ရှမ်းစာပေနှင့်ယဥ်ကျေးမှုကွင်း အဝင်မုခ်ဦး ယာဘက်အခြမ်းရှိ နေကြာရိုင်း ခြုံတစ်ခုအတွင်း၌ သေဆုံးနေသော အမျိုးသားတစ်ဦး၏ အလောင်းကို ၂၀၂၀ခုနှစ် စက်တင်ဘာ (၁၄)ရက်နေ့ မွန်းလွဲပိုင်းက ဒေသခံအချို့မှ တွေ့ရှိခဲ့ပြီး ကျေးရွာအုပ်ချုပ်ရေးမှူးမှတစ်ဆင့် သက်ဆိုင်ရာသို့ အကြောင်းကြားခဲ့ခြင်း ဖြစ်သည်ဟု သိရသည်။ 

သက်ဆိုင်ရာက သွားရောက်စစ်ဆေးခဲ့ရာ သေဆုံးသူ၏ အင်္ကျီအိပ်ကပ်အတွင်း စိုင်းခမ်းအောင် ( ၅၃ နှစ်)အမည်ပါ မှတ်ပုံတင်တစ်ခု၊ သေဆုံးသူနှင့် (၁၅)ပေခန့်အကွာတွင် မူးယစ်ဆေးဝါးသုံးစွဲထားသည့် ကိရိယာများ၊ ဆေးထိုးအပ်များတွေ့ရှိခဲ့ပြီး အလောင်းအား နမ့်ခုံးရှမ်းများပရဟိတအသင်းက  ကျောက်မဲ ပြည်သူ့ဆေးရုံသို့ ပို့ဆောင်ထားကြောင်း သိရသည်။ 

အဆိုပါအမျိုးသား သေဆုံးမှုအား ဓမ္မတာအတိုင်းသေဆုံးခြင်း ဟုတ် မဟုတ် သေမှုသေခင်း အမှတ်စဥ် ( ၁၂ / ၂၀၂၀ )ဖြင့် ကျောက်မဲမြို့မရဲစခန်းတွင် အမှုဖွင့် စစ်ဆေးနေသည်ဟု သိရသည်။