အတည်ပြုလူနာနှင့် အနီးကပ်ထိတွေ့သူ (၁၁)ဦးကို အတည်ပြုလူနာအဖြစ် တွေ့ရှိ
ဓာတ်ခွဲအတည်ပြုလူနာနှင့် အနီးကပ်ထိတွေ့ခဲ့၍ အသွားအလာကန့်သတ် စောင့်ကြပ်ကြည့်ရှုသူများထဲမှ (၁၁)ဦးတွင် COVID-19 ရောဂါပိုးတွေ့ရသဖြင့် ၂၀၂၀ ခုနှစ်၊ ဧပြီလ (၁၃)ရက်နေ့ ည(၈)နာရီ ထုတ်ပြန်ထားသည်အထိ စုစုပေါင်း အတည်ပြုလူနာ (၅၂)ဦးရှိလာပြီဖြစ်သည်။
COVID-19 ရောဂါ ဓာတ်ခွဲစစ်ဆေးမှု ပထမအသုတ်အဖြစ် ဓာတ်ခွဲနမူနာ (၉၂) ခုအား စစ်ဆေးခဲ့သည့်အနက် ဓာတ်ခွဲအတည်ပြုလူနာနှင့် အနီးကပ်ထိတွေ့ခဲ့သဖြင့် အသွားအလာကန့်သတ် ၍ စောင့်ကြပ်ကြည့်ရှုခြင်းဆောင်ရွက်ထားရှိသူ (၁၁) ဦး၏ ဓာတ်ခွဲနမူနာများတွင် COVID-19 ရောဂါပိုး တွေ့ရကြောင်း အမျိုးသားကျန်းမာရေးဓာတ်ခွဲမှုဆိုင်ရာဌာန (ရန်ကုန်) က ဧပြီလ (၁၃)ရက်နေ့ ညနေ (၆) နာရီအချိန် ထုတ်ပြန်သည်။
Tachileik News Agency
