~~~~~~~~⊰❂ Unicode Version ❂⊱~~~~~~~~

ကျောက်မဲမြို့အနီးတည်ဆောက်နေသည့် ရဲရွာရေအားလျှပ်စစ်စီမံကိန်း၏လုပ်ငန်း (၄၃)ရာခိုင်နှုန်း စက်တင်ဘာလတွင် ပြီးစီးမည်
**************
လာမည့် ဘဏ္ဍာနှစ်(၂)ခုတွင်စီမံကိန်းပြီးစီးမည့် ရှမ်းပြည်နယ်မြောက်ပိုင်း၊ ကျောက်မဲမြို့၏တောင်ဘက် ဒုဋ္ဌဝတီမြစ် (မြစ်ငယ်မြစ်) ပေါ်တွင် တည်ဆောက်နေသည့် ရဲရွာရေအားလျှပ်စစ်စီမံကိန်းကို ၂၀၁၉ ခုနှစ်၊ စက်တင်ဘာလတွင် စီမံကိန်း(၄၃) ရာခိုင်နှုန်းပြီးစီးရန် ဆောင်ရွက်နေကြောင်း သိရသည်။

ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်(၃)တည်ဆောက်ရေးမှ အကောင်အထည်ဖော်နေသည့် အဆိုပါစီမံကိန်း၏ ရေသွယ်ဥမင်လိုဏ်ဒီဇိုင်းရေးဆွဲခြင်းနှင့် တည်ဆောက်ရေးဆိုင်ရာလုပ်ငန်းများကို နိုင်ငံတကာ တင်ဒါအောင်မြင်ခဲ့သည့် IPGRB Co.,Ltd က တာဝန်ယူတည်ဆောက်နေခြင်းဖြစ်ကြောင်း သိရသည်။

ဒုဋ္ဌဝတီမြစ် (မြစ်ငယ်မြစ်) ပေါ်တွင် ရေလှောင်တမံတည်ဆောက်ပြီး (၂၈၀) မဂ္ဂါဝပ်ရှိ ဓာတ်အားပေးစက်ရုံဖြင့် နှစ်စဉ်ပျမ်းမျှ လျှပ်စစ်ဓာတ်အား ကီလိုဝပ်နာရီသန်းပေါင်း (၁၄၀၉) သန်းထုတ်လုပ်ပြီး တစ်နိုင်ငံလုံးသို့ ဓါတ်အားဖြန့်ဖြူးမည့်အဆိုပါစီမံကိန်းမှာ လက်ရှိအချိန်တွင် စီမံကိန်း၏ (၃၈ ဒသမ ရ၃) ရာခိုင်နှုန်း ပြီးစီးနေပြီး ၂၀၂၁-၂၀၂၂ ဘဏ္ဍာနှစ်တွင် စီမံကိန်းတစ်ခုလုံး ပြီးစီးမည်ဖြစ်ကြောင်း သိရသည်။

 ဒုဋ္ဌဝတီမြစ် (မြစ်ငယ်မြစ်) ပေါ်တွင် ဆောင်ရွက်ပြီးဖြစ်သည့် ရဲရွာရေအားလျှပ်စစ်စီမံကိန်းမှ (၇၉၀) မဂ္ဂါဝပ် ထုတ်လုပ်လျှက်ရှိပြီး (၂၁၀) မဂ္ဂါဝပ်ထုတ်လုပ်မည့် နမ္မတူ (သီပေါ) စီမံကိန်း၊ မဂ္ဂါဝပ် (၇၃၅)ထုတ်လုပ်မည့် အလယ်ရဲရွာ စီမံကိန်း၊ မဂ္ဂါဝပ် (၆၀)ထုတ်လုပ်မည့် ဒီးဒုတ်စီမံကိန်းတို့ကို ဆက်လက်ဆောင်ရွက်သွားမည်ဖြစ်ကြောင်း သိရသည်။

Tachileik News Agency
Photo: MOEE