~~~~~~~~⊰❂ Unicode Version ❂⊱~~~~~~~

"မြို့ရှောင်လမ်းအတွက် စတင်တာတော့ မဟုတ်သေးပါဘူး။ အခုလုပ်ဆောင်တာက လမ်းနယ်မြေနဲ့ အခြား လယ်ယာမြေတွေအကြား သီးသီးသန့်သန့်ဖြစ်သွားအောင် နယ်မြေကန့်သတ်တာဖြစ်ပါတယ်။ လမ်းအူကြောင်း ထိုးတယ်ဆိုတာတော့ မဟုတ်သေးပါဘူး။ အဲဒါတွေစတင်ဖို့ မြို့ရှောင်လမ်းအတွက်က မြေယာလျော်ကြေး အပြီးသတ်ပေးဖို့ တောင်သူ (၇) ဦး ကျန်ပါသေးတယ်။ အဲ့ဒါမပြီးသရွေ့ လမ်းနဲ့ တံတားလုပ်ငန်းက မစသေးပါဘူး"ဟု နောင်ချိုမြို့ရှောင်လမ်းနှင့် ဂုတ်တွင်းတံတားသစ်စီမံကိန်းအား တာဝန်ယူထားသည့် Oriental Highway Co.ltd မှ စီမံကိန်း မန်နေဂျာ ဦးသက်ဆွေက တာချီလိတ်သတင်းအေဂျင်စီသို့ ပြောသည်။

နောင်ချိုမြို့ရှောင်လမ်းနှင့် ဂုတ်တွင်းတံတားသစ် နယ်နိမိတ်သတ်မှတ်ထားသည့် နောင်ချိုမြို့နှင့် ကျောက်မဲမြို့ကြားတွင် လမ်းနယ်နှင့် လယ်ယာမြေနယ်အကြား နယ်နိမိတ်ကန့်သတ်ခြင်းကို ရှမ်းပြည်နယ်အစိုးရအဖွဲ့ဝင် လမ်းပန်းဆက်သွယ်ရေးဝန်ကြီး၊ ကျောက်မဲမြို့နယ်အထွေထွေ အုပ်ချုပ်ရေးဦးစီးဌာန၊ ရှမ်းပြည်နယ်လမ်းဦးစီးဌာန၊ နောင်ချိုနှင့်ကျောက်မဲမြို့တို့မှ လမ်းဦးစီးဌာန၊ မြေစာရင်း ဦးစီးဌာန၊ သစ်တောဦးစီးဌာနနှင့် သက်ဆိုင်ရာ ရပ်/ကျေး အုပ်ချုပ်ရေးတာဝန်ရှိသူများ၊ တောင်သူများ ပါဝင်သည့်အဖွဲ့ဖြင့် လုပ်ဆောင်ခြင်းဖြစ်သည်။

နောင်ချိုနှင့် ကျောက်မဲကြားရှိ ဂုတ်တွင်းလမ်းပိုင်းတွင် မကြာခဏယာဉ်ကြောပိတ်ဆို့မှုများ ဖြစ်ပွားနေသည့် မြို့ရှောင်လမ်းနှင့် ဂုတ်တွင်းတံတားသစ်စီမံကိန်းကို Oriental Highway Co.ltd က B.O.T စနစ်ဖြင့် လုပ်ကိုင်ခွင့်ရထားခြင်းဖြစ်သည်။

သတင်း - နဖြေိုးမြင့်
ဓာတ်ပုံ - ထွေအုပ်