~~~~~~~~⊰❂ unicode ❂⊱~~~~~~~~

ရှမ်းပြည်နယ်(တောင်ပိုင်း) တောင်ကြီးမြို့တွင် ၂၀၁၈ ခုနှစ် နိုဝင်ဘာလ (၁၄) ရက်နေ့မှ (၂၃) ရက်နေ့အထိ ကျင်းပမည့် တန်ဆောင်တိုင်မီးပုံးပျံပွဲတော်ကာလတွင် တောင်ကြီးမြို့ အဝင်မှစ၍ လမ်းညွှန် ဆိုင်းဘုတ်များ ထားရှိ ပေးသွားမည် ဖြစ်ကြောင်း သိရသည်။

“လမ်းညွှန် ဆိုင်းဘုတ်တွေကို အေးသာယာကနေ တက်ကတည်းက ဘယ်လမ်းက သွားလို့ရတယ်။ ဘယ်လမ်းက သွားလို့ မရဘူး။ ဘယ်လမ်းက လုံခြုံရေးရှိတယ်။ ဘယ်လမ်း ဘာရှိတယ် စသဖြင့်ပေါ့ လမ်းညွှန် ဆိုင်းဘုတ်တွေနဲ့ ကြော်ငြာပေးမယ်။ အေးရှားဖောင်ဒေးရှင်းကလည်း တန်ဆောင်တိုင်ပွဲ လမ်းညွှန်ကို မြန်မာ၊ ရှမ်း၊ ပအိုဝ်းသုံးဘာသာဖြင့် အစောင်ရေ (၅၀,ဝဝဝ)ဖြန့်ပေးဖို့ သဘော တူထားပါတယ်”ဟု ရှမ်းပြည်နယ် အစိုးရအဖွဲ့ဝင် လူမှုရေးဝန်ကြီး ဒေါက်တာမျိုးထွန်းက တာချီလိတ်သတင်းအေဂျင်စီသို့ ပြောသည်။

ယခုနှစ် တန်ဆောင်တိုင်ပွဲတော်တွင် IC Show ကို ထည့်သွင်းခြင်း မပြုတော့ဘဲ ကော်မတီရန်ပုံငွေမှ ကျပ်သိန်း(၁၀၀)ကို ကမ္ဘောဇသာမဏေကျော်စာမေးပွဲ၊ စာပြန်ပွဲအတွက် လှူဒါန်းထားကြောင်း သိရသည်။

“ဒီနှစ်ပွဲက တင်ဒါက သိန်း (၃,၄၀၀) ကျော်နဲ့ တင်ဒါအောင်တယ်။ အသုံးစရိတ်အနေနဲ့ လုပ်ငန်းကော်မတီ (၁၂) ခုက ဒီနေ့(နိုဝင်ဘာလ ၂ ရက်)တင်ပြတာ စုစုပေါင်း ကျပ်သိန်း (၃,ဝဝဝ)ရှိတယ်။ ဒီကြားထဲမှာ တစ်ချို့လည်း အလုပ် လုပ်ရင်း လိုတာလေးတွေလည်း ရှိတော့ရှိနိုင်တယ်။ နောက် ကမ္ဘောဇ သာမဏေကျော် စာမေးပွဲ၊ စာပြန်ပွဲအတွက် ကော်မတီရန်ပုံငွေကနေ ကျပ်သိန်း(၁၀၀)လှူဒါန်းတယ်။ IC Show တော့ မထည့်တော့ဘူးပေါ့။ ဒါက တန်ဆောင်တိုင်ပွဲဆိုတော့ IC Show မထည့်တော့ဘူးပေါ့နော်။ ခေါင်းစဉ်က မီးပုံးပျံပွဲဖြစ်လို့ မီးပုံးပျံပွဲနဲ့ သက်ဆိုင်တာတွေထည့်မယ်ဆိုပြီး စာပပြေိုင်ပွဲထည့်သွင်း ထားတယ်။ ကဗျာ၊ကာတွန်း၊ဆောင်းပါးပြိုင်ပွဲပေါ့”ဟု ရှမ်းပြည်နယ် အစိုးရအဖွဲ့ဝင် လူမှုရေးဝန်ကြီး ဒေါက်တာမျိုးထွန်းက ပြောသည်။

ယခုနှစ် တန်ဆောင်တိုင်ပွဲတော်တွင် ဝင်ရောက်ယှဉ်ပြိုင်မည့် မီးပုံးပျံအရေအတွက် စုစုပေါင်း (၄၀၀) ဝန်းကျင်ရှိနပြေီး ယမန်နှစ်ထက် ပိုများကြောင်း သိရသည်။

Tachileik News Agency