တာချီလိတ်ရှိ ရပ်ကွက် (၃)ခုတွင် လျှပ်စစ်ဓာတ်အား တစ်နာရီကြာ ဖြတ်တောက်မည်
ရှမ်းပြည်နယ်(အရှေ့ပိုင်း) တာချီလိတ်မြို့ရှိ ရပ်ကွက် (၃)ခုတွင် ၂၀၂၀ ခုနှစ်၊ ဇွန်လ (၇)ရက်နေ့ နေ့လယ် (၁၂)နာရီမှ (၁)နာရီအထိ လျှပ်စစ်ဓာတ်အား ခေတ္တဖြတ်တောက်မည်ဖြစ်ကြောင်း သိရသည်။
မြို့မီးလင်းရေးကော်မတီ (လျှပ်စစ်ဓာတ်အားဖြန့်ဖြူးရေးလုပ်ငန်း) မှ ထရန်စဖော်မာကြံ့ခိုင်မှု ပြုပြင်ရန် ရှိသည့်အတွက် မကာဟိုခမ်း၊ ဝမ်ကောင်းနှင့် ဆန်ဆိုင်း(ခ)ရပ်ကွက်တို့တွင် လျှပ်စစ်ဓာတ်အား ခေတ္တဖြတ်တောက်ထားမည်ဖြစ်ကြောင်း သိရသည်။
လုပ်ငန်းများပြီးစီးသည်နှင့် ဓာတ်အားပြန်လည်ချိတ်ဆက်ပို့လွှတ်မည်ဖြစ်ကြောင်း သိရသည်။
Tachileik News Agency
