ရှမ်းပြည်နယ် (အရှေ့ပိုင်း) တာချီလိတ်မြို့ရှိ B.H.S English School ၏ ကထိန်သင်္ကန်းနှင့် လှူဖွယ်ပစ္စည်း ကထိန်ပဒေသာပင်များကို ၂၀၁၉ ခုနှစ်၊ နိုဝင်ဘာလ (၃) ရက်နေ့တွင် လူငယ်ဖွံ့ဖြိုးရေး အောင်မင်္ဂလာ တောရကျောင်းတိုက်၌ ကျင်းပသော (၂၄)ကြိမ်မြောက် စုပေါင်းဘုံမဟာကထိန်တွင် ပို့ဆောင် လှူဒါန်းကြသည်။

ဟွေရယ်ကျေးရွာရှိ လူငယ်ဖွံ့ဖြိုးရေး အောင်မင်္ဂလာ တောရကျောင်းတိုက်၌ ကျင်းပသော (၂၄)ကြိမ်မြောက် စုပေါင်းဘုံမဟာကထိန်တွင် B.H.S Pre – School၊ Primary School နှင့် စနေ၊ တနင်္ဂနွေအင်္ဂလိပ်ကျောင်းသား ကျောင်းသူများ၊ ဆရာ၊ ဆရာမများက ကထိန်သင်္ကန်း၊ လှူဖွယ်ပစ္စည်းအမျိုးမျိုးနှင့် ကထိန်ပဒေသာပင်များကို ပါဝင်လှူဒါန်းကြသည်။

B.H.S English School မှ ပဒေသာပင်များကို နံနက် (၇)နာရီခွဲတွင် စတင်သယ်ဆောင်ကြပြီး (ပရဟိတ) လူငယ်ဖွံ့ဖြိုးရေး အောင်မင်္၈လာကျောင်းတိုက်တွင် ဧည့်ပရိတ်သတ်များကို ကျွေးမွေးဧည့်ခံကြခြင်းဖြစ်သည်။

B.H.S English School သည် ကလေးငယ်များအနေဖြင့် ရာသီအလိုက် ပွဲတော်များ၊ ရိုးရာဓလေ့များ၊ ပြည်တွင်းပြည်ပ ဗဟုသုတများ ရရှိစေရေးအတွက် ပွဲတော်အသီးသီး လုပ်ဆောင်ပေးနေခြင်းဖြစ်သည်။

Tachileik News Agency
ဓါတ်ပုံ - ကျော်ဇင်ဟိန်း