ျမန္မာ - ထုိင္းႏွစ္ႏို္င္ငံ နယ္နိမိတ္ျဖစ္သည့္ မယ္ဆိုင္ေခ်ာင္းတြင္ ထုိင္းႏိုင္ငံဘက္က အသိမေပးဘဲ ေရသြယ္ယူေနမႈမ်ားေၾကာင့္ ေခ်ာင္းအတြင္းေရခန္းေျခာက္ေနသျဖင့္ တာခ်ီလိတ္ႏွင့္ မယ္ဆိုင္မွ တာဝန္ရိွသူမ်ားသည္ တာခ်ီလိတ္ၿမိဳ႕ ေရႊနန္းေတာ္ကုန္တုိက္တြင္၂၀၁၉ ခုႏွစ္ ေမလ (၂၆) ရက္ေန႔ ေန႔လယ္(၁)နာရီက အလြတ္သေဘာေတြ႔ဆံုေဆြးေႏြးၾကသည္။
အဆိုပါ ေဆြးေႏြးပြဲတြင္ တာခ်ီလိတ္ခရိုင္အုပ္ခ်ဳပ္ေရးမွဴး ဦးျမင့္ႏိုင္က မယ္ဆိုင္ေခ်ာင္းအတြင္း ျမန္မာဘက္ျခမ္းတြင္ ခမ္းေျခာက္ေနသည့္ အေနအထားရိွေနျခင္းႏွင့္ ၁၉၉၁ ခုႏွစ္က ႏွစ္ႏိုင္ငံခ်ဳပ္ဆိုထားသည့္ စာခ်ဳပ္အရ ေခ်ာင္းေရညီတူညီမွ်ခြဲေဝသံုးစြဲႏိုင္ေရးေဆြးေႏြးရာတြင္ မယ္ဆိုင္ၿမိဳ႕ပိုင္ ႏိုင္းဆုမ္ဆခနာခမ္းက ေခ်ာင္းတြင္ပိတ္ဆို႔ေနသည့္ အတားအဆီးမ်ားကို ဖယ္ရွားၿပီး ေရစီးဆင္းမႈေကာင္းမြန္ေစရန္ ျပဳျပင္ေပးသြားမည္ျဖစ္ေၾကာင္း ျပန္လည္ေဆြးေႏြးသည္။
အလြတ္သေဘာေတြ႕ဆံု ေဆြးေႏြးပြဲသို႔ ျမန္မာဘက္မွ တာခ်ီလိတ္ခရိုင္ အုပ္ခ်ဳပ္ေရးမွဴး ဦးျမင့္ႏိုင္ႏွင့္ ဌာနဆိုင္ရာမ်ား၊ ထိုင္းႏိုင္ငံဘက္မွ မယ္ဆိုင္ၿမို႕ပိုင္ႏွင့္ တာဝန္ရိွသူမ်ား တက္ေရာက္ၾကၿပီးေနာက္ တာခ်ီလိတ္ ၿမိဳ႕နယ္အုပ္ခ်ဳပ္ေရးမွဴး ဦးခ်မ္းေျမ့ေစာႏွင့္ တာဝန္ရိွသူမ်ား၊ မယ္ဆိုင္ၿမိဳ႕ပိုင္ ႏိုင္းဆုမ္ဆခနာခမ္းႏွင့္ တာဝန္ရိွသူမ်ားက မယ္ဆိုင္ေခ်ာင္းတိမ္ေကာေနမႈမ်ားကို လိုက္လံစစ္ေဆးခဲ့ေၾကာင္း သိရသည္။
Tachileik News Agency
~~~~~~~~⊰❂ Unicode Version ❂⊱~~~~~~~~
အဆိုပါ ဆွေးနွေးပွဲတွင် တာချီလိတ်ခရိုင်အုပ်ချုပ်ရေးမှူး ဦးမြင့်နိုင်က မယ်ဆိုင်ချောင်းအတွင်း မြန်မာဘက်ခြမ်းတွင် ခမ်းခြောက်နေသည့် အနေအထားရှိနခြေင်းနှင့် ၁၉၉၁ ခုနှစ်က နှစ်နိုင်ငံချုပ်ဆိုထားသည့် စာချုပ်အရ ချောင်းရေညီတူညီမျှခွဲဝေသုံးစွဲနိုင်ရေးဆွေးနွေးရာတွင် မယ်ဆိုင်မြို့ပိုင် နိုင်းဆုမ်ဆခနာခမ်းက ချောင်းတွင်ပိတ်ဆို့နေသည့် အတားအဆီးများကို ဖယ်ရှားပြီး ရေစီးဆင်းမှုကောင်းမွန်စေရန် ပြုပြင်ပေးသွားမည်ဖြစ်ကြောင်း ပြန်လည်ဆွေးနွေးသည်။
အလွတ်သဘောတွေ့ဆုံ ဆွေးနွေးပွဲသို့ မြန်မာဘက်မှ တာချီလိတ်ခရိုင် အုပ်ချုပ်ရေးမှူး ဦးမြင့်နိုင်နှင့် ဌာနဆိုင်ရာများ၊ ထိုင်းနိုင်ငံဘက်မှ မယ်ဆိုင်မြို့ပိုင်နှင့် တာဝန်ရှိသူများ တက်ရောက်ကြပြီးနောက် တာချီလိတ် မြို့နယ်အုပ်ချုပ်ရေးမှူး ဦးချမ်းမြေ့စောနှင့် တာဝန်ရှိသူများ၊ မယ်ဆိုင်မြို့ပိုင် နိုင်းဆုမ်ဆခနာခမ်းနှင့် တာဝန်ရှိသူများက မယ်ဆိုင်ချောင်းတိမ်ကောနေမှုများကို လိုက်လံစစ်ဆေးခဲ့ကြောင်း သိရသည်။
Tachileik News Agency
