သိန္နီဘက်သို့ စစ်ကူလာသည့် စစ်ကောင်စီတပ်ကို TNLA ကြားဖြတ်တိုက်ခိုက်ရာ ကားတစ်စီးပျက်စီးပြီး တပ်ကြပ်ကြီးတစ်ဦးဖမ်းမိ
ရှမ်းပြည်နယ်မြောက်ပိုင်း လားရှိုးမြို့အခြေစိုက် စစ်ကောင်စီတပ်မှ သိန္နီဘက် (၁၂)မိုင်သို့ စစ်ကူပို့သည့် စစ်ကောင်စီယာဉ်တန်းကို တအာင်းအမျိုးသားလွတ်မြောက်ရေးတပ်မတော်(TNLA)က ကြားဖြတ်တိုက်ခိုက်ခဲ့ရာ ကားတစ်စီးပျက်စီးပြီး စစ်ကောင်စီတပ်ကြပ်ကြီးတစ်ဦးကို ဖမ်းဆီးရမိခဲ့ကြောင်း သိရသည်။
ယမန်နေ့ ၂၀၂၃ခုနှစ် နိုဝင်ဘာလ (၁၂)ရက်နေ့က စစ်ကောင်စီတပ်ဖွဲ့၏ အဆိုပါစစ်ကူယာဉ်ကို TNLAမှ ကြားဖြတ်တိုက်ခိုက်ခဲ့ရာ စစ်ကားတစ်စီးပျက်စီးပြီး စစ်ကောင်စီတပ်မှ တပ်ကြပ်ကြီးအဆင့်တစ်ဦးအားဖမ်းမိကာ လက်နက် (၂)လက်ကို သိမ်းဆည်းရရှိခဲ့ခြင်းဖြစ်သည်။
#TachileikNewsAgency
Photo : News & Information Department
