တနင်္သာရီတိုင်း ရေဖြူမြို့နယ် အလယ်စခန်းအနီးတွင် စစ်ကောင်စီတပ်နှင့် KNLAပူးပေါင်းတပ်တို့ ၂၀၂၃ခုနှစ် ဇူလိုင်လ (၁၈)ရက်နေ့က တိုက်ပွဲဖြစ်ပွားခဲ့ကြောင်း သိရသည်။

အင်အား (၂၀၀)ဝန်းကျင်ဖြင့် စစ်ကြောင်းထိုးလာသည့် စစ်ကောင်စီတပ်နှင့် KNLAတပ်ရင်း(၂၇)၊ တပ်ခွဲ(၂)နှင့် YGFရေးပြောက်ကျားတပ်ဖွဲ့ ပူပေါင်းစစ်ကြောင်းတို့ အလယ်စခန်းအနီးတစ်ဝိုက်တွင် တိုက်ပွဲဖြစ်ပွားခဲ့ခြင်းဖြစ်ကြောင်း သိရသည်။

တိုက်ပွဲမှာ နံနက်ပိုင်းမှစတင်ပြီး နေ့လည်ပိုင်းအထိ လက်နက်ကြီး၊လက်နက်ငယ်များဖြင့် ပစ်ခတ်ခဲ့ကြပြီး စစ်ကောင်စီတပ်ဘက်က အများအပြားသေကာ YGF-ရေးပြောက်ကျားတပ်ဖွဲ့မှ ရဲဘော်တစ်ဦးကျဆုံးပြီး KNLAတပ်ရင်း(၂၇)၊ တပ်ခွဲ(၂)မှ ရဲဘော်တစ်ဦး မစိုးရိမ်ရ ဒဏ်ရာရရှိခဲ့ကြောင်း YGFရေးပြောက်ကျားတပ်ဖွဲ့က ယနေ့ ဇူလိုင်လ (၂၀)ရက်နေ့တွင် သတင်းထုတ်ပြန်ထားသည်။

#TachileikNewsAgency