နောင်ချိုမြို့ရှိ စစ်ဆေးရေးဂိတ်တွင် ကျပ်သိန်းနှစ်သောင်းကျော် တန်ဖိုးရှိ မူးယစ်ဆေးဝါးများ ဖမ်းမိ

ရှမ်းပြည်နယ်(မြောက်ပိုင်း) နောင်ချိုမြို့ရှိ စစ်ဆေးရေးဂိတ်တွင် သီပေါဘက်မှ နောင်ချိုဘက်သို့ မောင်းနှင်လာသည့် DYNA ယာဥ်တစ်စီးပေါ်မှ ကျပ် သိန်းပေါင်း နှစ်သောင်းကျော် တန်ဖိုးရှိ မူးယစ်ဆေးဝါးများကို ယာဥ်မောင်းနှင့်အတူ ဖမ်းဆီးရမိခဲ့သည်။

စရတ(ရမခ)မှအထူးတပ်ဖွဲ့၀င်များ၊အမှတ်(၂၄)မူးယစ်တပ်ဖွဲ့စု၊ ခလရ ( ၂၅၄ )နှင့် နောင်ချိုမြို့မရဲတပ်ဖွဲ့တို့ပါဝင်သည့် အဖွဲ့စုံဖြင့် ၂၀၂၀ခုနှစ် ဒီဇင်ဘာလ(၈)ရက်နေ့အကူးပိုင်းက ယာဥ်အား တားမြစ်စစ်ဆေးရာ ယာဥ်နောက်ဘက် ကုန်တင်သည့်နေရာ၌ ပြောင်းဖူးအိတ်များဖြင့် ဖုံးဖိ သယ်ဆောင်လာသည့် အင်္ဂလိပ် ဂဏန်း `37´ အမှတ်အသားပါသည့် အဝါရောင်ဆာလာအိတ်များကို တွေ့ရှိခဲ့သည်။

ဆာလာအိတ်များအား ဖွင့်ဖေါက် စစ်ဆေးရာ WY စာတန်းပါ စိတ်ကြွရူးသွပ်ဆေးပြား (၂,၀၄၀,၀၀၀)ပြား၊ WY နှင့် R ရောရာပါ (၄,၀၀၀) ပြား၊ စုစုပေါင်း ဆေးပြား (၂,၀၄၄,၀၀၀) ပြား သိမ်းဆည်းရမိကာ ကာလတန်ဖိုးငွေမှာ  ကျပ် (၂,၀၄၄,၀၀၀,၀၀၀ )ရှိကြောင်း သိရသည်။

မူးယစ်ဆေးဝါးများနှင့်အတူ ဖမ်းဆီးရမိသည့် မျိုးသူကျော်(ခ)မျိုးသူအား နောင်ချိုမြို့မရဲစခန်းတွင် အမှုဖွင့် အရေးယူထားကြောင်း သိရသည်။