ရှမ်းပြည်နယ်(အရှေ့ပိုင်း) တာချီလိတ်မြို့တွင် ဆုံဆို့နာရောဂါကာကွယ်ဆေးအပါအဝင် အမှီလိုက်ကာကွယ်ဆေးထိုးခြင်းကို ၂၀၂၀ ခုနှစ်၊ သြဂုတ်လ (၃၁)ရက်နေ့ ၌  တာချီလိတ်မြို့ ဝမ်ကောင်းရပ်ကွက်အတွင်း ကချင်ရွာကျမ်းစာသင်ကျောင်း တစ်နေရာတွင်သာ  ထိုးနှံပေးမည်ဖြစ်ကြောင်း သိရသည်။

အမှီလိုက်ကာကွယ်ဆေးထိုးခြင်းကို စက်တင်ဘာလ (၆)ရက်နေ့အထိ  သက်ဆိုင်ရာ ရပ်ကွက်၊ ကျေးရွာများအလိုက် ဆက်လက်ထိုးနှံပေးသွားမည်ဖြစ်ပြီး ဆေးထိုးမည့် စုရပ်နေရာများကိုလည်း ကြိုတင်အသိပေးသွားမည်ဖြစ်သည်။

ပုံမှန်ကာကွယ်ဆေးထိုးအစီအစဉ်များတွင် ဆေးမထိုးရသေးသူများ၊ အကြိမ်ရေပြည့်မီခြင်း မရှိသေးသူများအား အမှီလိုက်ကာကွယ်ဆေးထိုးအစီအစဉ်ဖြင့် ထိုးနှံပေးနေခြင်းဖြစ်သည်။