သတ္တုသယ်ယာဉ်များ ဖြတ်သန်းနေသည့် ကျေးရွာချင်းဆက်လမ်းကို ကျောက်ချောလမ်း ခင်းမည်
ရှမ်းပြည်နယ်(အရှေ့ပိုင်း) တာချီလိတ်မြို့နယ်၊ မိုင်းကိုးကျေးရွာအုပ်အတွင်း သတ္တုသယ်ယာဉ်တွေ ဖြတ်သန်းသွားလာနေတဲ့ မောတွီ-မက်မွန်တာ(၃) ကျေးရွာချင်းဆက်လမ်းကို ကျောက်ချောလမ်းအဖြစ် ခင်းကျင်းဖို့ပြင်ဆင်နေပြီး လက်ရှိမှာ လမ်းမတစ်လျှောက်ရေဖြန်းမှုတွေကို နေ့စဉ်လုပ်ဆောင်ပေးနေတယ်လို့ စိန်နော်သတ္တုတူးဖော်ရေးကုမ္ပဏီမှ ဒါရိုက်တာ ဦးညီညီက ပြောပါတယ်။
တာချီလိတ်မြို့နယ်ရှိ မောတွီ-မက်မွန်တာကျေးရွာများကို ဆက်သွယ်ထားတဲ့လမ်းက မြေသားလမ်းအဆင့်သာရှိနေပြီး သတ္တုသယ်ယာဉ်တွေဖြတ်သန်းသွားလာမှုကြောင့် လမ်းပျက်စီးမှုဆိုးရွားစွာဖြစ်ပေါ်နေလို့ အရှည် (၁) မိုင်ကျော်ခန့်ကို ကျောက်ချောလမ်းအဖြစ်အဆင့်မြှင့်တင်မှုများလုပ်ဆောင်သွားဖို့ ပြင်ဆင်နေပါတယ်။
Tachileik News Agency
တင်ဆက် - ကိုဇောင်း
သတင်းရိုက်ကူး - ဟန်စိုးထိုက်
