သြဂုတ်လ (၆)ရက်နေ့ နေ့လယ်ပိုင်းတွင် တံတားမှ ဖြတ်သန်းလာသည့် သုံးဘီးယာဉ်အားစစ်ဆေးရာ အထုပ်အပိုးများဖြင့်လိုက်ပါလာသည့် အမျိုးသမီး (၃)ဦးကိုတွေ့ရပြီး အထုပ်အပိုးများနှင့်သုံးဘီးယာဉ်အား X – Ray စက်ဖြင့် စစ်ဆေးရာ အိတ်အမည်းရောင် (၃)လုံးအတွင်းမှ ဘိန်းစိမ်းများကို ဖမ်းမိခြင်းဖြစ်ကြောင်း သိရသည်။

အသက် (၄၀)နှစ်အရွယ် နန်းဖစ်၊ အသက်(၃၃)နှစ်အရွယ် နန်းလုနှင့် အသက် (၃၁)ဝန်းကျင်အရွယ် နန်းအေးလောဝ်တို့က အဆိုပါမူးယစ်ဆေးများကို ဒေသတွင်း အာခါတစ်ဦးထံမှ လန်းပန်းခရိုင်သို့ ပို့ဆောင်ပေးခြင်းဖြစ်ကြောင်းသိရသည်။

မူးယစ်ဆေးများနှင့်အတူဖမ်းမိသည့် အမျိုးသမီး (၃)ဦးကို ထိုင်းရဲတပ်ဖွဲ့က စစ်ဆေးနေကြောင်း သိရသည်။
နှစ်နိုင်ငံချစ်ကြည်ရေးတံတားမှ ဖြတ်သန်းသည့် လူနှင့်ကုန်စည်များအား ထိုင်းနိုင်ငံဘက်ခြမ်းတွင် X -Ray စက်ဖြင့် စစ်ဆေးခြင်းဖြစ်သော်လည်း မြန်မာဘက်ခြမ်းတွင် စက်ပစ္စည်းများ သုံးစွဲနိုင်ခြင်းမရှိသေးဘဲ မြန်မာဘက်မှ သယ်ဆောင်သွားသည့် တရားမဝင်ပစ္စည်းများကို ထိုင်းနိုင်ငံ မယ်ဆိုင်ဘက်တွင် ဖမ်းဆီးရမိလေ့ရှိသည်ကို တွေ့ရသည်။

Tachileik News Agency
Ref: Chiangmai News