ကချင်ပြည်နယ် လွယ်ဂျယ်မြို့ကို ကချင်လွတ်မြောက်ရေးတပ်မတော်(KIA) မှ ၂၀၂၄ခုနှစ် ဧပြီလ ၉ ရက်နေ့တွင် အပြီးသတ် သိမ်းပိုက်ခဲ့ပြီးနောက် ခလရ ၁၄၂ တပ်အတွင်း သိမ်းဆည်းရရှိခဲ့သော ကျပ်ငွေသိန်းပေါင်း ငါးသောင်းသုံးထောင်ကျော် (၅,၃၅၈,၂၀၀,၀၀၀)ကို KIO ဘဏ္ဍာရေးဌာန၏ စည်းမျဉ်းများအတိုင်း စနစ်တကျ သိမ်းဆည်းထားကြောင်း KIA၏ ဒုတိယဗိုလ်ချုပ်ကြီး ဂွမ်မော်က လူမှုကွန်ယက်စာမျက်နှာတွင် ရေးသားထားသည်။

photo_2024-04-12_17-51-55.jpg

KIO ဘဏ္ဍာရေးဌာန၏ စည်းမျဉ်းများအတိုင်း လွယ်ဂျယ်မြို့မှ သိမ်းဆည်းရရှိထားသည့် ပိုက်ဆံများအား တပ်မဟာ (၃) တပ်မဟာမှူးမှ အရှေ့ပိုင်းတိုင်း ဘဏ္ဍာရေးဌာနသို့ စာရင်းသွင်း ပေးအပ်ပြီးဖြစ်ကြောင်း မိတ္တူနှင့်တကွ ဖော်ပြထားသည်။

ဆက်လက်ပြီး ဘဏ္ဍာရေးဌာန၏ လုပ်နည်းလုပ်ထုံးများနှင့် တခြားအကြောင်းအရာများကို ထပ်မံရေးသားဖော်ပြသွားမည်ဖြစ်ကြောင်း ဗိုလ်ချုပ် ဂွမ်မော်က ရေးသားထားသည်။

photo_2024-04-12_17-52-02.jpg

ဧပြီလ ၁ ရက်နေ့တွင် စိန်လုံဗျူဟာစခန်းကုန်းကို KIAမှ တိုက်ခိုက်သိမ်းပိုက်ခဲ့ပြီး မြို့ထဲစတင်ဝင်ရောက်နိုင်ခဲ့ကာ ဧပြီလ ၉ ရက်နေ့တွင် ခလရ ၁၄၂ တပ်ရင်းရှိ စစ်ကောင်စီတပ်သားနှင့် Non-CDM ဝန်ထမ်းများ စခန်းကုန်းမှ ထွက်ပြေးတိမ်းရှောင်သွားပြီး KIAမှ လွယ်ဂျယ်မြို့ကို အပြီးသတ် သိမ်းပိုက်နိုင်ခဲ့ခြင်းဖြစ်သည်။

#TachileikNewsAgency