နိုင်ငံ၏ အချုပ်အခြာအာဏာကို ပိုင်ဆိုင်သူမှာ ပြည်သူများပင် ဖြစ်သည်။ ထိုနည်းတူ ပြည်သူ့ဆန္ဒမဲဖြင့် ရွေးချယ်တင်မြှောက်ထားသော အစိုးရသည်သာ တရားဝင် နိုင်ငံတော်အစိုးရ ဖြစ်သည်။ လက်နက်အားကိုးဖြင့် အာဏာသိမ်းထားသည့် စစ်ကောင်စီကို မည်သို့မျှ နိုင်ငံတော်အစိုးရဟု မသတ်မှတ်၊ မခေါ်ဆိုထိုက်ပေ။

NLD က သွေးထိုးလှုံ့ဆော်နေသည်၊ NLD က အဖျက်အမှောက်များ လုပ်နေသည်ဟူသော စစ်ကောင်စီက စွပ်စွဲချက်မှာ လက်ရှိ စစ်အာဏာရှင်ကို ဆန့်ကျင်နေသူ အများစုသည် NLD ပါတီဝင်များ မဟုတ်သည့် ကျောင်းသားလူငယ်များ သာမန်ပြည်သူများ ပါဝင်နေသည်ကို မေ့လျော့နေဟန် တူပေသည်။