စစ်ကိုင်းတိုင်း ဒီပဲယင်းမြို့နယ်တွင် စစ်ကောင်စီတပ်၏ စစ်ဆေးရေးဂိတ်ကို ၂၀၂၃ခုနှစ် ဇူလိုင်လ (၃၀)ရက်နေ့က ဝင်ရောက်တိုက်ခိုက်ခဲ့ရာ စစ်ကောင်စီတပ်သား (၆)ဦးသေဆုံးပြီး လက်နက်ခဲယမ်းများ သိမ်းဆည်းရရှိခဲ့ကြောင်း သိရသည်။

ဒီပဲယင်းမြို့အပြင်ဘက် ဆီဆိုင်အနီးတွင် ဖွင့်လှစ်ထားသည့် စစ်ကောင်စီတပ် စစ်ဆေးရေးဂိတ်ကို ယင်းမာပင်ခရိုင် တပ်ရင်း(၃၀) အာဏာရှင်တော်လှန်ရေး ပြည်သူ့တပ်မတော်-DRPA နှင့် Local Mobile Team(Depayin)တို့က ယင်းနေ့ ညနေပိုင်းတွင် ဝင်ရောက် တိုက်ခိုက်ခဲ့ခြင်းဖြစ်ကြောင်း သိရသည်။

တိုက်ခိုက်မှုမှ စစ်ကောင်စီတပ်သားများ၏ လက်လုပ် ပစ္စတိုတစ်လက်၊ အီနာဂါ ဗုံးသီး(၂)လုံး၊ ကျည်ကာ(၂)ထည်၊ ကျည်ဘောက်များ၊ ကျည်မျိုးစုံနှင့် MA 1 (၂)လက်၊ MA 3 တစ်လက်တို့ကို သိမ်းဆည်းရရှိခဲ့သည်ဟု ယင်းမာပင်ခရိုင် တပ်ရင်း(၃၀) အာဏာရှင်တော်လှန်ရေး ပြည်သူ့တပ်မတော် - DRPA က ယနေ့ ဇူလိုင်လ (၃၁)ရက်နေ့တွင် သတင်းထုတ်ပြန်ထားသည်။

#TachileikNewsAgency

Photo : အာဏာရှင်တော်လှန်ရေးပြည်သူ့တပ်မတော် - DRPA