Covid-19 ကာကွယ်ရေးအတွက် နိုင်ငံအတွင်း KTV နှင့် ကလပ်များကို ပိတ်ပင်ရေး တင်းတင်းကြပ်ကြပ်အရေးယူရန် နိုင်ငံတော်၏ အတိုင်ပင်ခံပုဂ္ဂိုလ် တိုက်တွန်း
အများပြည်သူအား COVID 19 မကူးစက်စေရန် သတ်မှတ်ထားသည့် စည်းမျဉ်းစည်းကမ်း ဥပဒေများကို လိုက်နာမှုမရှိသူများမှာ ပြည်သူနှင့် နိုင်ငံအပေါ် တာဝန်မဲ့သူများအဖြစ် နိုင်ငံတော်၏ အတိုင်ပင်ခံပုဂ္ဂိုလ်က ၂၀၂၀ ခုနှစ်၊ စက်တင်ဘာလ (၂)ရက်နေ့က ဆွေးနွေးမှုအတွင်း ဝေဖန်လိုက်ပြီး ပြည်ထဲရေးအနေဖြင့် ဥပဒေဖြင့် တင်းတင်းကြပ်ကြပ်အရေးယူရန် တိုက်တွန်းလိုက်သည်။
နိုင်ငံအတွင်း Covid-19 ဓါတ်ခွဲအတည်ပြုလူနာနှင့် ထိတွေ့ခဲ့သူများအား စုံစမ်းရှာဖွေဖော်ထုတ်ခြင်း၊ ကာကွယ်ခြင်း၊ ထိန်းချုပ်ရေးစီမံဆောင်ရွက်ခြင်း တို့နှင့် စပ်လျဉ်း၍ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်မှ ပြည်ထဲရေးဝန်ကြီးဌာန ပြည်ထောင်စု ဒုတိယဝန်ကြီး ဗိုလ်ချုပ်စိုးတင့်နိုင်၊ ရန်ကုန်တောင်ပိုင်းခရိုင်အုပ်ချုပ်ရေးမှူး ဦးနေဝင်းအောင် နှင့် ရန်ကုန်တိုင်းဒေသကြီးပြည်သူ့ကျန်းမာရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာသက်စုမွန်တို့ ၂၀၂၀ခုနှစ် ဩဂုတ်လ(၂)ရက်နေ့ နံနက်ပိုင်းက အွန်လိုင်း စကားဝိုင်းဖြင့် တွေ့ဆုံစဉ် ပြောကြားလိုက်ခြင်း ဖြစ်သည်။
